Bl 42:5 - Sơ̆p Hlabơar Nơ̆r 'Bok Kei-Dei

⁵ Tơ dêh Kanaan kư̆m pơngot, na lu kon Isơrael kư̆m jur tơ Êyiptơ chă 'ba kư̆m thoi lu đe nai.

Bl 42:5 Iomraidhean Croise

Bl 12:10

Kơplah ei sơ̆, tơ dêh sư đei pơngot rơwĕt. Tơdrong pơngot rơwĕt âu tih dêh, na Abram jur tơ char Êyiptơ oei gô tơ noh.

Bl 26:1

Sơ̆ đei pơngot lăm chăl arih Abraham, dang ei lăm tơring sư đei dơ̆ng pơngot rơwĕt. Isăk năm tơ Gêrar, char Abimêlek, pơtao đe Philistin.

Bl 41:54

Na truh boih kơ tơpơh sơnăm pơngot, trŏ 'blep thoi Jôsep đei tơblang noh. Tơ jơ̆p-jang kơ dêh char đei pơngot rơwĕt, mă-lei tơ lăm dêh char Êyiptơ oei đei tơmam sa.

Bl 41:57

Lăm char ei pơngot rai dêh, yua kơ jơ̆p-jang teh đak kư̆m dai pơngot rơwĕt tih, na mă đơ̆ng yơ yơ kư̆m năm răt 'ba đơ̆ng Jôsep tĕch.

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

Jang 7:11

Hơtai ei đei tơdrong pơngot rơwĕt đĭ kơ dêh Êyiptơ păng dêh Kanaan, na đĭ-đăng bơngai đei tơdrong anat anot. Na lu 'bok kơdră bơ̆n sơ̆ ưh kơ đei tơmam sa ôh.