Bl 42:38 - Sơ̆p Hlabơar Nơ̆r 'Bok Kei-Dei

³⁸ Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 42:38 Iomraidhean Croise

Bl 37:33

Jakôp lăng păng khan: Trŏ boih noh ao kon drŏ-nglo inh kon sem bri hek sa boih! Sĭt tơpă akâu sư răm boih!

Bl 37:34

Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

Bl 42:13

Lu sư tơl dơ̆ng: Lu đĭch đam ih âu đei mơjĭt-'bar 'nu 'nhŏng oh minh pôm 'bă, oei tơ char Kanaan; na đei minh 'nu oh hiong, oei pă oh hơdruch oei tơ hnam hăm 'bă nhôn.

Bl 42:37

Rubên drơ̆ng 'bă sư thoi âu: 'Bă, ih athei pơjao oh nhôn kơ inh, inh gô chông tơwih sư brŏk tơ ih, tơdah oh nhôn ưh kơ brŏk tơ âu, lei ih pơlôch 'bar 'nu kon drŏ-nglo inh to kư̆m bưh.

Bl 42:4

Mă-lei Jakôp ưh kơ ăn Bênjamin oh Jôsep năm hơdai lu 'nhŏng sư; yua kơ sư tơchĕng: Inh athei bơwei, kơnh hli kơ đei tơdrong truh kơ sư.

Bl 43:13

Lu iĕm jah iung yak năm, chông ba oh hơdruch iĕm năm jur truh tơ bơngai noh.

Bl 44:20

Nhôn đei tơl ih thoi âu: Lu nhôn oei đei 'bă kră boih păng kư̆m oei đei minh 'nu oh 'lơ̆p mă hơiơch tuch-luch ăn kơ sư. 'Nhŏng kơdră sư lôch boih, na lăm lu kon mĕ sư, oei pă minh 'nu sư boih păng 'bă nhôn kơeng kơ sư dêh.

Bl 44:22

Păng lu nhôn kư̆m đei roi boih kơ ih thoi âu: Oh 'lơ̆p noh ưh kơ gơh tơklah đơ̆ng 'bă sư ôh; tơdah sư tơklah đơ̆ng 'bă sư lei 'bă sư gô lôch.

I Pot 2:6

Thoi noh, pơm bĕ kiơ̆ kơ ih gơh hơgei, mă-lei 'nĕ kơ lê̆ kơ̆l sŏk ko sư jur tơ dêh atâu hiôk-hian.

Jop 41:32

Đơ̆ng rŏng sư đei blô̆k gơmơ̆k rang hơdah. Lăm anih đak jrŭ kok thoi sŏk ko,

Horiso 71:18

Ơ Kră Yang 'Bok Kei-Dei, mă khan inh kră, hăm sŏk ko boih. Apinh Ih 'nĕ achăng lê̆ inh, Dĭng inh đei ră roi kơ rim jơhnơr, tơdrong pran kơtang Ih. Păng tơdrong gơh kĕ mơsêh mơyang Ih kơ lu bơngai.

Horiso 90:10

Sơnăm lu nhôn arih kư̆m lăp truh tơpơh-jĭt. Dah đei pran 'biơ̆ truh tơ tơhngam-jĭt. Mă-lei tơdrong pơang lu sư, jơ̆ lăp pơmat-tat păng ơh sơ'ngon. Yua kơ tơdrong arih lu nhôn 'bônh kơ tôch, đơ̆ng noh lu nhôn păr hiong.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Êsai 38:10

Inh khan “'Nao minh puăt chăl arih inh. Na inh năm 'măng jang dêh atâu boih, dôm lu khei sơnăm inh oei arih pă đei boih.

Êsai 46:4

Dĭng truh kơ iĕm kră krŭng Inh kư̆m oei Kră Yang lei-lăi. Truh tơ iĕm sŏk ko go kơdŭ Inh kư̆m oei pôk kơ'mĭn lu iĕm Inh pơjing bơih lu iĕm, na gô pŭ pôk lu iĕm, Inh gô pôk kơ'mĭn păng pơklaih lu iĕm.