Bl 42:24 - Sơ̆p Hlabơar Nơ̆r 'Bok Kei-Dei

²⁴ Jôsep tơwih muh măt sư weh tơ nai na nhơ̆m, đơ̆ng noh wih pơma dơnuh păng đe 'nhŏng sư dơ̆ng; na sư rôp lê̆ Simêôn minh 'nu lăm lu 'nhŏng sư athei chô̆ 'bơ̆t tơm muh măt lu 'nhŏng sư.

Bl 42:24 Iomraidhean Croise

Bl 34:25

Truh năr mă pêng, kơplah lu bơngai oei jĭ, na 'bar 'nu kon tơdăm Jakôp, Simêôn păng Lêwi, 'nhŏng Đina, chĕp minh 'nu minh hlak đao, lăp lu sư oei hreh ngeh kơ oei hiôk đĕch, na mơ̆t hloi lăm pơlei pơlôch đĭ kon drŏ-nglo.

Bl 42:23

Yua kơ Jôsep đei yua minh 'nu bơngai pơma tơblang hăm lu 'nhŏng sư, na đe 'nhŏng sư ngeh kơ Jôsep ưh kơ kơtơ̆ng ưh kơ băt,

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

Bl 43:23

Bơngai wei hnam khan; hiôk-hian bĕ iĕm 'nĕ kơ hli minh tơdrong kiơ! Noh đơ̆ng Kră Yang 'Bok Kei-Dei lu iĕm, mă Kră Yang 'Bok Kei-Dei 'bă lu iĕm, đei ăn tơmam gĭt tơ lăm 'bi lu iĕm. Lu jên iĕm inh iŏk boih. Đơ̆ng noh sư ba Simêôn năm tơ 'nhŏng oh lu sư;

Bl 43:30

Jôsep lăng oh sư, na sư 'brơ̆k mơnat lĕch đak măt sư kơdâu lĕch tơ 'nguaih wă kơ chă anih nhơ̆m. Sư mơ̆t lăm hnam tơ anih sư na nhơ̆m.

Bl 45:1

Dang ei Jôsep pă kĕ ĕnh boih na sư pơma ôr thoi âu: Puh lê̆ lu bơngai Êyiptơ lĕch tơ 'nguaih, kơplah Jôsep roi tơbăt sư kơdih kơ lu 'nhŏng oh sư, na ưh kơ đei bu nai oei tơ noh.

Bl 45:2

Jôsep nhơ̆m, ô kon pơlei Êyiptơ kơtơ̆ng păng hnam dơnŏ Pharaôn kư̆m kơtơ̆ng ang.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.