Bl 42:21 - Sơ̆p Hlabơar Nơ̆r 'Bok Kei-Dei

²¹ Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

Bl 42:21 Iomraidhean Croise

Bl 41:9

Bơngai mă jang lăng hơmet đak nhă khan kơ Pharaôn thoi âu: Dang ei inh 'blŏk kơ tơdrong yoch inh.

Bl 44:16

Juđa tơl: Lu nhôn pă băt thoi yơ hăm yŏng tơ'ngla nhôn wă pơma dŏng nhôn kơdih thoi yơ? Wă pơ̆n pơma kơ ih thoi yơ dơ̆ng. Kră Yang 'Bok Kei-Dei 'bôh nhen boih tơdrong kơnê̆ đĭch đam ih. 'Nâu, na đĭ-đăng kơ lu nhôn păng bơngai mă chă 'bôh kơchŏk tơ 'bi sư wă jing đĭch đam ih yŏng tơ'ngla.

Bl 45:3

Jôsep khan kơ lu 'nhŏng oh sư thoi âu: Inh boih Jôsep. 'Bă inh oei arih ưh? Mă-lei 'bơ̆t anăp sư lu 'nhŏng oh sư kơdih rŭng răng ưh kơ đei bu gơh pơma.

Bl 50:15

Lu 'nhŏng oh Jôsep 'bôh 'bă sư lôch boih, na pơma tơduă lu sư khan: Băt Jôsep gô hil plơ̆ kơ lu bơ̆n păng wă pơm 'mong đơ̆ng lu bơ̆n pơm kơnê̆ kơ sư sơ̆.

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

Tơdrông Pơđơk 21:13

Bơngai bu chĭt đon kuă kơ mơ̆ng nơ̆r lu bơngai dơnuh hin krao ôr, Bơngai noh đe kư̆m kuă kơ mơ̆ng drơ̆ng nơ̆r sư krao ôr mơ̆n.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Je 4:18

“Tơdrong iĕm oei arih sa păng iĕm đei pơm; ba tơdrong noh. 'Nâu đei truh kơ ih pơmat tơpă. Đơ̆ng tơdrong yoch kơnê̆ ih pơm! Tơdrong noh 'bet jĭ jơhngơ̆m iĕm.”

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Jo 32:23

Tơdah iĕm ưh kơ pơm kiơ̆ thoi noh, lu iĕm gô pơm yoch 'bơ̆t anăp Kră Yang, iĕm athei băt tơdrong yoch noh gô tuh tơ kơpal kơ̆l lu iĕm.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Markôs 9:48

Lăm dơnâu ŭnh ei boih đei hrai mă ưh kơ lôch wă sa lu bơngai mă huŏng lăm dơnâu ŭnh ei; păng ŭnh ei ưh kơ layơ păt hơngăm.

Luka 16:28

wă kơ lu sư tơbral kơdih tơdrong yoch na huay kơ phak lăm dơnâu ŭnh thoi inh âu.’

Jang 19:18

Thoi noh na đei lu bơngai lui ưh kơjăp năm tơ Pôl. Lu sư ră roi kơ Pôl tơdrong yoch lu sư năm tơ pơjâu.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.