Bl 42:15 - Sơ̆p Hlabơar Nơ̆r 'Bok Kei-Dei

¹⁵ 'Nâu inh wă pơlong lăng lu iĕm: Inh pơkăm hăm anăn Pharaôn na pơkă, tơdah oh hơdruch iĕm ưh kơ năm tơ âu lei lu iĕm ưh kơ gơh klaih hlôi đơ̆ng anih âu.

Bl 42:15 Iomraidhean Croise

Bl 42:12

Jôsep tơl lu sư dơ̆ng: Ưh kơ trŏ ôh, lu iĕm âu chă dăr lăng char nhôn âu, anih ayơ ayơ tơrăn.

Bl 42:14

Jôsep khan noh trŏ tơpă lu iĕm âu chă dăr teh đak.

Bl 42:16

Athei wơh minh 'nu lăm lu iĕm brŏk na chông ba oh hơdruch iĕm jur tơ âu; gah đĭ-đăng lu iĕm oei chĭt lê̆ tơ âu. Nơ̆r lu iĕm pơma inh wă pơlong lăng 'mơ̆i wă kơ băt iĕm pơma noh tơpă dah ưh. Tơdah ưh kơ tơpă, lei inh pơkăm hăm anăn Pharaôn pơkă kơ lu iĕm âu chă dăr lăng char nhôn.

Bl 42:20

Na khan dơ̆ng, iĕm athei chông ba oh hơdruch jur tơ âu, lei nơ̆r iĕm pơma noh trŏ păng lu iĕm huay kơ lôch, thoi noh lu sư pơm kiơ̆.

Bl 42:30

Bơngai mă oei pơm yŏng lăm char Êyiptơ pơma kơ lu nhôn khan lu nhôn năm chă dăr lăng char sư.

Bl 42:34

Iĕm athei iŏk chông ba oh hơdruch iĕm tơ inh. Thoi noh, na inh băt nhen iĕm ưh kơ trŏ bơngai chă dăr char nhôn, na trŏ kơ bơngai tơpăt 'lơ̆ng đĕch; inh gô pơdrâu 'nhŏng iĕm noh, na iĕm gơh mơdro sa lăm char âu rơngei.

Bl 42:7

Jôsep 'bôh kơnăl kơ lu 'nhŏng sư; mă-lei sư pơm ưh kơ băt ôh kơ lu 'nhŏng sư, pơm pơma 'mơng kơ lu 'nhŏng: Lu iĕm đơ̆ng yơ? Lu sư tơl: Đơ̆ng dêh Kanaan truh tơ âu wă chă sa 'ba.

Bl 43:3

Juđa tơl: Bơngai noh ki sư đei pơkă kơ lu nhôn tơpă thoi âu: Yua kơ tơdah oh hơdruch ưh kơ jur kiơ̆ hơdai lu iĕm, lei lu iĕm ưh pă 'bôh muh măt inh.

Bl 43:5

Tơdah ưh, lei lu nhôn ưh kơ đei jur ôh, yua kơ bơngai noh đei khan boih thoi âu: Yua kơ tơdah oh hơdruch ưh kơ jur kiơ̆ lu iĕm, lei lu iĕm ưh pă đei 'bôh muh măt inh dơ̆ng boih.

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Ya 5:12

Ơ 'nhŏng oh, mă loi inh wă pơkă kơ iĕm tơdrong âu kăl dêh: Tơdrong kiơ iĕm pơkă kơ đe wă kơ đe băt kơ iĕm gô pơm, iĕm 'nĕ pă pơkă pao anăn 'Bok Kei-Dei, anăn plĕnh, anăn teh, dah anăn kiơ kiơ nai; iĕm wă pơkă kơ đe tơdrong kiơ, iĕm athei pơkă mă tơpăt hăm 'bơ̆r hoh đĕch. Thoi noh 'Bok Kei-Dei huay kơ hil kơ iĕm.

I Sam 1:26

Păng khan: “Ơ yŏng tơ'ngla inh arih ling-lang ơ yŏng inh, inh bơih bơngai drŏ-kăn mă oei dơ̆ng tơ âu 'bơ̆t anăp ih krao apinh Kră Yang.

I Sam 17:55

Sôl 'bôh Đawit năm blah bơngai Philistin, na jet Apne yŏng pơgơ̆r linh: Ơ Apner, bơngai tơdăm mơlôh noh kon drŏ-nglo bu? Apner tơl khan: Ơ pơtao inh arih sot! Inh ưh kơ băt.

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.