Bl 42:13 - Sơ̆p Hlabơar Nơ̆r 'Bok Kei-Dei

¹³ Lu sư tơl dơ̆ng: Lu đĭch đam ih âu đei mơjĭt-'bar 'nu 'nhŏng oh minh pôm 'bă, oei tơ char Kanaan; na đei minh 'nu oh hiong, oei pă oh hơdruch oei tơ hnam hăm 'bă nhôn.

Bl 42:13 Iomraidhean Croise

Bl 37:30

Năm tơ lu 'nhŏng oh sư păng khan: Ôu! Bơngai 'lơ̆p tơ yơ boih! Pơm liơ 'nâu kơnh? Bê̆ inh âu wă năm tơ yơ?

Bl 42:11

Đĭ-đăng lu nhôn 'nhŏng oh minh pôm 'bă, hnam dơnŏ tơpăt 'lơ̆ng đĕch, ưh kơ trŏ khan chă dăr teh đak iĕm ôh.

Bl 42:12

Jôsep tơl lu sư dơ̆ng: Ưh kơ trŏ ôh, lu iĕm âu chă dăr lăng char nhôn âu, anih ayơ ayơ tơrăn.

Bl 42:14

Jôsep khan noh trŏ tơpă lu iĕm âu chă dăr teh đak.

Bl 42:32

Lu nhôn âu mơjĭt-'bar 'nu 'nhŏng oh, minh pôm 'bă minh 'nu hiong ưh pă băt tơ yơ oei pă oh hơdruch sư oei hăm 'bă nhôn tơ char Kanaan.

Bl 42:36

Jakôp, 'bă lu sư khan thoi âu: Lu iĕm tă kơ pơm tơhiong lê̆ kon inh; Jôsep hiong hloi boih Simêôn kư̆m hiong mơ̆n; na dang ei wă chông anhăk Bênjamin năm dơ̆ng hă? Dôm tơdrong ơh sơ'ngon âu tă tuh kơ inh ngăl.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 43:29

Jôsep lăng 'bôh Bênjamin, oh sư, kon drŏ-nglo mĕ sư, na sư apinh: To noh hăm trŏ kơ oh hơdruch mă iĕm đei roi kơ inh ki? Sư khan dơ̆ng: Ơ dăm! Apinh Kră Yang 'Bok Kei-Dei ăn tơdrong pŭn hiôk kơ ih!

Bl 43:7

Lu sư tơl: Bơngai noh sư apinh hơlen dêh lu nhôn păng gah tơdrong 'nhŏng oh lu nhôn thoi âu: 'Bă lu iĕm hăm oei arih? Hăm pă đei oh dơ̆ng ưh? Lu nhôn tơl dôm lu nơ̆r noh. Na bu băt kơ sư wă pơkă athei lu nhôn thoi âu: Athei chông ba oh hơdruch iĕm jur tơ âu.

Bl 44:20

Nhôn đei tơl ih thoi âu: Lu nhôn oei đei 'bă kră boih păng kư̆m oei đei minh 'nu oh 'lơ̆p mă hơiơch tuch-luch ăn kơ sư. 'Nhŏng kơdră sư lôch boih, na lăm lu kon mĕ sư, oei pă minh 'nu sư boih păng 'bă nhôn kơeng kơ sư dêh.

Bl 44:28

Minh 'nu năm đơ̆ng inh hiong boih, inh kư̆m đei khan: Băt sem bri châu sa boih, yua kơ truh dang ei tam mă 'bôh.

Bl 45:26

Roi tơdrong noh thoi âu: Jôsep sư oei arih dang ei sư oei pơm yŏng pơgơ̆r đĭ dêh Êyiptơ. Mă-lei jơhngơ̆m Jakôp oei ưh kơ ngeh, yua kơ sư ưh kơ lui kơ nơ̆r đe noh roi.

Je 31:15

Kră Yang khan: “Tơ pơlei Rama đei kơtơ̆ng nhơ̆m hmoi, nhơ̆m ơh sơ'ngon, noh Rachel nhơ̆m hmoi kơ lu kon sư, hmoi ơh ưh kơ đei bu gơh pơlung sư gah lu kon sư, yua kơ lu kon sư ưh pă đei arih boih.”

Nhom 5:7

'Bok yă lu nhôn pơm yoch boih, dang ei lu sư lôch đĭ boih. Lu nhôn pŭ iŏk tơdrong kơnê̆ lu sư.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:18

“Đe kơtơ̆ng nơ̆r ôr pơret tơ Pơlei Ramma, 'bơ̆r đe nhơ̆m hmoi ơh tơpă. Yă Rachel hmoi ơh kơ kon sư lôch, sư nhơ̆m hmoi khŏm khŏm đe ưh pă gơh pơlung sư thoi yơ, yua kơ kon sư lôch đĭ.”