Bl 41:8 - Sơ̆p Hlabơar Nơ̆r 'Bok Kei-Dei

⁸ Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

Bl 41:8 Iomraidhean Croise

Bl 40:6

Dơning loh; Jôsep năm tơ bre sư, 'bôh muh măt bre sư hơ'nhŭk sơ'ngon.

Bl 40:8

Bre sư tơl: Nhi đei tep apo, mă ưh kơ băt wă khan kiơ. Roi bĕ tơdrong măr iĕm apo noh kơ inh mơ̆ng.

Bl 41:15

Pharaôn khan kơ Jôsep thoi âu: Inh đei tep apo 'bôh mă-lei ưh kơ đei bu gơh tơblang; thoi noh, inh đei kơtơ̆ng đơ̆ng đe khan, đe đei apo 'bôh na roi kơ ih, ih đei tơblang ăn trŏ 'blep.

Bl 41:24

Na tơpơh hơie 'ba bo noh luăn pơđĭ lê̆ tơpơh hơie 'ba akâu noh. Inh đei roi boih kơ lu bơngai hơgei juăt kơ tơblang ră, mă-lei ưh kơ đei bu gơh tơblang.

Bl 41:7

Tơpơh hơie 'ba bo luăn đĭ tơpơh hơie 'ba akâu. Pharaôn sư hơđơ̆r hloi; păng băt âu tơdrong apo 'bôh.

Horiso 25:14

Kră Yang pơdah ăn tơdrong hlơpa hăm lu Bơngai đe mă hli yom kơ Sư. Tơ'bôh ăn kơ bơngai noh băt tơdrong Sư pơgơ̆p.

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

Le 7:22

Kơplah noh lu 'bok pơjâu tơwir bơngai Êyiptơ kư̆m gơh pơm tơwir lei-lăi thoi noh, na jơhngơ̆m Pharaôn, oei arăng ưh kơ chu, ưh kơ mơ̆ng Môis păng Arôn tŏ sĕt, trŏ thoi nơ̆r Kră Yang đei khan.

Le 8:7

Lu bơngai pơjâu tơwir kư̆m pơm lei-lăi thoi noh mơ̆n, wă pơm kơ kit tih iĕ mơmŏ tŏk jơ̆p kơ dêh Êyiptơ.

Le 9:11

Lu bơngai pơjâu yua kơ pơtôch đuh lĕch ưh kơ gơh dơ̆ng 'bơ̆t anăp Môis yua kơ lu bơngai pơjâu kư̆m đei pơtôch lei-lăi thoi đĭ-đăng bơngai Êyiptơ.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 4:6

Thoi noh inh chih roi tơbăt, athei ba đĭ-đăng lu bơngai hơgei lăm char Babilôn năm truh tơ inh, wă kơ lu sư tơblang tơdrong inh apo 'bôh.

Da 4:7

Dang ei lu bơngai pơm tih lu bơngai Kalđê păng lu pơjâu truh đĭ, inh roi ăn đĭ-đăng tơdrong inh apo 'bôh kơ lu sư, mă-lei lu sư ưh kơ đei bu gơh tơblang ăn kơ inh.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 7:22

Truh Môis tơdăm 'lŏ boih, sư pơhrăm tôm tơdrong đe Êyiptơ. Sư bơngai 'bơ̆r đon tơpă, sư pơm tôm tơdrong hơgei.

I Kor 1:19

Đe chih nơ̆r 'Bok Kei-Dei pơma sơ̆ thoi âu: “Lu bơngai hơgei inh gô pơtôch lê̆ tơdrong hơgei sư, ăn kơ lu sư jing ưh kơ hlôh; lu bơngai 'bơ̆r đon, inh gô pơtôch lê̆ tơdrong lu sư 'bơ̆r đon.”

I Sam 6:2

Bơngai Philistin krao lu 'bok soi păng 'bok pơjâu, na jet khan: Bơ̆n wă pơm liơ kơ Hom Pơgơ̆p Kră Yang? Roi bĕ kơ lu nhôn băt pơm thoi yơ gơh pơdrâu Hom Pơgơ̆p noh tơ anih so.