Bl 41:6 - Sơ̆p Hlabơar Nơ̆r 'Bok Kei-Dei

⁶ Đơ̆ng rŏng kơ noh, tơpơh hơie 'ba bo păng kial đơ̆ng hơlĕch tơthu, chăt kiơ̆ tơpơh hơie 'ba adrol noh.

Bl 41:6 Iomraidhean Croise

Bl 41:23

Đơ̆ng rŏng kơ noh, 'bôh đei tơpơh hơie 'ba kro bo, yua kơ đơ̆ng kial gah hơlĕch tơthu, kư̆m chăt lĕch hơdai tơnơm 'ba adrol noh.

Bl 41:5

Pharaôn sư tep dơ̆ng, sư apo 'bôh mă 'bar dơ̆ng, 'bôh tơpơh tŏ hơie 'ba akâu 'lơ̆ng, chăt hơdai lăm minh hơdong.

Bl 41:7

Tơpơh hơie 'ba bo luăn đĭ tơpơh hơie 'ba akâu. Pharaôn sư hơđơ̆r hloi; păng băt âu tơdrong apo 'bôh.

Êsêkiên 17:10

'Nâu, mă khan đe hlôi pơtăm sư tơ nai, sư hăm gơh chăt 'lơ̆ng ưh? Hla sư kư̆m ưh kơ jô đĭ hă? Mưh kial đơ̆ng gah hơlĕch tơthu, sư hăm gô kro hloi 'bơ̆t teh mă đe pơtăm chăt 'lơ̆ng boih?”

Êsêkiên 19:12

Mă-lei sư buch đĭ lăm năr hil mĭl păng klơ̆m lê̆ tơ teh. Kial đơ̆ng hơlĕch tơthu pơm kơ tơm sư kro, plei sư hơlŭng, đĭ dơng tih kư̆m jô kro păng ŭnh sa đĭ.

Hôsia 12:1

Êphraim 'me sư kơdih hăm kial, kơdâu kiơ̆ kial đơ̆ng gah hơlĕch rim năr, lu sư pơma hơlĕnh roi dêh păng pơm rai lơ tơdrong kơnê̆; lu sư pơgơ̆p hăm char Asiri păng chĕp ba đak rơmă ôliwơ tơ char Êyiptơ.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!