Bl 41:30 - Sơ̆p Hlabơar Nơ̆r 'Bok Kei-Dei

³⁰ Mă-lei đơ̆ng rŏng kơ tơpơh sơnăm sŏng sa noh gô đei tơpơh sơnăm pơngot rơwĕt, kon tơring tơrang gô hiơt kơ đei 'ba rơkah rơkai păng pơngot rơwĕt gô pơm ăn kơ jơ̆p teh đak răm rai.

Bl 41:30 Iomraidhean Croise

Bl 41:21

Luăn đĭ tơ lăm klak, mă-lei lăng thoi ưh kơ đei luăn yua kơ rơmo hơkĕ oei hơkĕ thoi đêl.

Bl 41:27

Tơpơh tŏ rơmo hơkĕ hơkong kơnê̆ mă lĕch đơ̆ng rŏng rơmo bek noh, wă khan tơpơh sơnăm; păng tơpơh hơie 'ba bo đơ̆ng kial tơthu noh wă khan tơpơh sơnăm pơngot rơwĕt.

Bl 41:31

Păng tơdrong pơngot rơwĕt âu tih dêh, na kon tơring tơrang pă 'blŏk boih lăm sơnăm đei 'ba rơkah rơkai.

Bl 41:51

Jôsep anăn kon mă kơdră sư Manased yua kơ khan: Kră Yang 'Bok Kei-Dei pơm ăn kơ inh đei hiơt đĭ dôm tơdrong gleh pơmat păng đĭ-đăng hnam dơnŏ 'bă inh.

Bl 41:54

Na truh boih kơ tơpơh sơnăm pơngot, trŏ 'blep thoi Jôsep đei tơblang noh. Tơ jơ̆p-jang kơ dêh char đei pơngot rơwĕt, mă-lei tơ lăm dêh char Êyiptơ oei đei tơmam sa.

Bl 41:56

Kơplah jơ̆p-jang kơ dêh char Êyiptơ pơngot, na Jôsep pơih pơk na tĕch ăn 'ba kơ kon pơlei lăm dêh char Êyiptơ.

Bl 47:13

Yua kơ đei tơdrong pơngot rơwĕt tih dêh thoi noh na jơ̆p-jang kơ dêh char rơdu rơmơ̆n ưh pă đei tơmam sa; dêh Êyiptơ păng dêh Kanaan kư̆m ưh kơmah yua kơ tơdrong rơwĕt noh.

II Sam 24:13

Gat bơngai khan lê̆ adrol năm roi ăn kơ pơtao Đawit. Bơngai khan lê̆ adrol apinh pơtao: “Pơtao rơih iŏk tơdrong ayơ: Tơpơh sơnăm pơngot rơwĕt jơ̆p-jang kơ lăm teh đak pơtao, dah pêng khei pơtao athei kơdâu ôn lăm kơplah ayăt oei druh pơtao, dah pêng năr đei tơdrong jĭ hơbuh tơ jơ̆p-jang teh đak? Dang ei apinh ih athei tơchĕng lăng mă hơlen, wă kơ inh gơh roi ăn kơ Kră Yang Tơ'ngla wơh inh noh thoi yơ.”

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

II Pot 8:1

Êlisê khan kơ bơngai drŏ-kăn mĕ bơngai 'lơ̆p drŏ-nglo đêl sư tơiung arih ki 'noh: “Iung bĕ, chông hnam dơnŏ ih jăk tơ anih ayơ mă iĕm gơh oei, yua kơ Kră Yang wă ăn kơ dêh char Isơrael pơngot rơwĕt lăm tơpơh sơnăm.”

Horiso 105:16

Sư ăn tơdrong pơngot rơwĕt lăm dêh char, Păng pơrăm lê̆ đĭ tơmam sŏng sa lu sư,

Tơdrông Pơđơk 31:7

Lê̆ lu sư et na hiơt kơ tơdrong dơnuh hoh lu sư. Huay pă wă 'blŏk tơdrong kơdih pơmat-tat.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Luka 4:25

Na dang ei Inh roi pơtih gia kơ iĕm tơdrong noh: Kơplah Êli pơtruh nơ̆r 'Bok Kei-Dei tơ dêh char Isơrael âu sơ̆, kơplah lăm pêng sơnăm ưh kơ đei 'mi jơ̆p kơ dêh char Isơrael. Na đei tơdrong pơngot rơwĕt tơpă. Kơplah noh sơ̆ đei lơ yă adro tơ dêh char Isơrael.

Ya 5:17

Êli sơ̆ sư kư̆m kon bơngai lei-lăi thoi bơ̆n, mă-lei sư krao khan adrin tơpă, sư apinh 'Bok Kei-Dei kuă ăn 'mi tơ dêh sư oei, na 'Bok Kei-Dei kư̆m mơ̆ng sư tơpă, kơtĕch pêng sơnăm minh puăt ưh kơ đei đak 'mi.