Bl 41:16 - Sơ̆p Hlabơar Nơ̆r 'Bok Kei-Dei

¹⁶ Jôsep drơ̆ng: Noh ưh kơ đơ̆ng inh, mă-lei đơ̆ng Kră Yang 'Bok Kei-Dei ăn tơdrong tơblang hiôk-hian kơ pơtao.

Bl 41:16 Iomraidhean Croise

Bl 37:14

Isơrael khan: E năm lăng lu 'nhŏng e thoi yơ păng lu khŭl triu hai liơ? Na brŏk roi kơ inh băt. Thoi noh na đơ̆ng lăm thŭng Hêbrôn, sư athei Jôsep năm tơ Sichem, Jôsep truh tơ Sichem.

Bl 40:8

Bre sư tơl: Nhi đei tep apo, mă ưh kơ băt wă khan kiơ. Roi bĕ tơdrong măr iĕm apo noh kơ inh mơ̆ng.

Bl 41:17

Pharaôn khan: Tơdrong apo 'bôh ei thoi âu: Inh oei ngôi 'bơ̆t cheng đak krong Nil.

Bl 41:25

Jôsep tơl Pharaôn thoi âu: 'Bar tơdrong apo mă 'bok pơtao 'bôh wă tơbăt lăm minh tơdrong đĕch, Kră Yang 'Bok Kei-Dei tơbăt ăn kơ pơtao adrol kơ tơdrong wă jê̆ truh.

Bl 41:28

Noh mă inh đei roi kơ 'bok pơtao boih; Kră Yang 'Bok Kei-Dei roi tơbăt kơ 'bok pơtao, Sư gô pơm.

II Pot 6:27

Pơtao khan: “Dah Kră Yang ưh kơ dŏng ih, lei inh wă dŏng ih hăm kiơ? Yua kơ ưh pă đei kiơ lăm anih preh 'ba, kư̆m ưh pă đei kiơ lăm anih hmĕt đak hơmu bơih.”

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Luka 19:42

Sư nhơ̆m hmoi rah pơma rah thoi âu: “Ơ Pơlei Jêrusalem, năr âu dah iĕm băt kơ Inh Bơngai wă pơklaih iĕm, lei iĕm hiôk dêh, ưh kơ đei tơdrong gleh truh kơ iĕm năr noh kơnh ôh. Mă-lei iĕm ưh kơ hlôh tơdrong Inh wă pơklaih iĕm dang ei.

Jang 3:12

Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh.

Jang 3:7

Đơ̆ng noh Pêtrôs rôp ti sư gah 'ma tơiung sư. Jơ̆ng sư jing pran hloi.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

II Kor 3:5

Dôm tơdrong noh ưh kơ sĭ đơ̆ng akâu nhôn gơh pơm ôh, yua kơ akâu nhôn kơdih ưh kơ gơh pơm minh tơdrong kiơ. Tôm tơdrong lu nhôn gơh pơm noh đơ̆ng 'Bok Kei-Dei ăn ngăl.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.