Bl 40:5 - Sơ̆p Hlabơar Nơ̆r 'Bok Kei-Dei

⁵ Lăm minh măng ei bơngai pôk đak nhă păng bơngai hơmet tơmam sa kơ pơtao Êyiptơ mă đe oei phak, kư̆m đei apo 'bôh, đĭ-đăng tơdrong apo bre sư noh wă tơbăt đei tơdrong kiơ truh kơdih kơdih.

Bl 40:5 Iomraidhean Croise

Bl 20:3

Mă-lei kiơ̆ kơmăng, pơtao Abimêlek apo 'bôh Kră Yang 'Bok Kei-Dei khan kơ sư, “âu, ih gô lôch yua kơ bơngai drŏ-kăn mă ih rôp iŏk noh, yua kơ sư đei klo boih.”

Bl 40:1

Đang kơ dôm tơdrong noh boih, đei tơdrong truh kơ bre bơ̆jang kơ pơtao, minh 'nu lăng hơmet đak nhă, minh 'nu lăng gah tơmam sa păng pơm 'bĕng sa kơ pơtao Êyiptơ, đei pơm yoch hăm yŏng tơ'ngla sư.

Bl 40:4

Yŏng wei-lăng hnam phak jao kơ Jôsep awih awăn kơ bre noh, bre sư oei tơ lăm hnam phak kư̆m đunh 'biơ̆.

Bl 40:6

Dơning loh; Jôsep năm tơ bre sư, 'bôh muh măt bre sư hơ'nhŭk sơ'ngon.

Bl 40:8

Bre sư tơl: Nhi đei tep apo, mă ưh kơ băt wă khan kiơ. Roi bĕ tơdrong măr iĕm apo noh kơ inh mơ̆ng.

Bl 41:11

Lăm minh măng ei, nhi kư̆m đei tep apo, nhi apo 'bôh, tơdrong nhi apo ei wă khan đei tơdrong truh phara băl.

Esther 6:1

Lăm măng noh pơtao ưh kơsŭk tep, na athei đe iŏk sơ̆p hla bơar đe chih răk hơ'mon tơdrong lu pơtao pơgơ̆r na đŏk 'bơ̆t anăp sư.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.