Bl 40:19 - Sơ̆p Hlabơar Nơ̆r 'Bok Kei-Dei

¹⁹ Oei pă pêng năr dơ̆ng, Pharaôn sek tơlang kơ ih, athei đe atol ih tơ 'long na sem jur sa sĕch ih.

Bl 40:19 Iomraidhean Croise

Bl 40:13

Pă pêng năr dơ̆ng Pharaôn gô tơlĕch ih đơ̆ng hnam phak, hơlơ̆k ăn kơ ih jang thoi đêl, ih gô pôk kơchŏk Pharaôn tơpơng tơ ti sư thoi so, thoi ih đei jang pơm bơngai lăng hơmet đak nhă sơ̆.

Bl 40:17

Bai mă kơpal hloh, đei tôm 'bĕng pơm ăn kơ Pharaôn; sem jruh tơ bai kơpal kơ̆l inh na sa đĭ hloi tơmam sa noh.

Bl 40:18

Jôsep khan: Tơdrong apo noh wă khan thoi âu: Pêng tŏ bai noh wă khan pêng năr.

Bl 40:20

Truh tơ năr mă pêng, trŏ năr tơpŭ kơ Pharaôn, sư hơmet et sa chơt hiôk krao đĭ lu 'bok tih păng tơlĕch hloi 'bok lăng hơmet đak nhă hăm 'bok pơm 'bĕng đơ̆ng hnam phak.

Bl 40:22

mă-lei kư̆m athei đe chô̆ atol 'bok pơm 'bĕng, trŏ thoi nơ̆r Jôsep đei tơblang.

Bl 41:13

Na, dôm tơdrong ei trŏ 'blep thoi sư đei tơblang: Pơtao ăn kơ inh jang thoi đêl, bơngai mă pơm 'bĕng noh pơtao atol pơlôch sư.

II Sam 21:10

Yă Rispa kon drŏ-kăn Aiya, iŏk minh blah 'bi lơ̆k kơpal tơmo, păng yă ei oei tơ noh đơ̆ng bơyan yuă blŭng truh tơ đei 'mi đơ̆ng kơpal plĕnh jruh tơ kơpal akâu lu bơngai lôch. Kơ'năr yă ei ưh kơ ăn sem păr jruh kơpal akâu bơngai lôch, kơmăng yă ei ưh kơ ăn sem bri năm jê̆.

II Sam 21:6

Apinh pơtao pơjao ăn kơ lu nhôn tơpơh 'nu kon sâu bơngai noh, wă kơ lu nhôn hrek hơtol lu sư 'bơ̆t anăp Kră Yang, tơ Gibêah, pơlei pơtao Sôl, pơtao mă Kră Yang rơih?” Pơtao tơl: “Inh gô jao lu sư ăn kơ lu iĕm”

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Êsêkiên 39:4

Ih păng lu linh ih, hăm đĭ-đăng kon pơlei mă kiơ̆ ih gô pơ̆k kơpal groi kông Isơrael. Inh gô ăn kơ lu sem păr păng lu sem bri kăp sa.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Jôsuê 10:26

Đơ̆ng noh Jôsuê pơlôch đĭ pơtao, athei đe hơtol kâu pơđăm 'nu pơtao noh tơ kơpal 'long, hơtol pơđăm 'nu pơtao noh truh kơsơ̆.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.

I Sam 17:44

Bơngai Philistin hơnganh: Năm tơ âu wăi, inh gô ăn sĕch ih kơ lu sem păr păng lu sem bri sa.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;