Bl 4:8 - Sơ̆p Hlabơar Nơ̆r 'Bok Kei-Dei

⁸ Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

Bl 4:8 Iomraidhean Croise

Bl 4:25

Ađam oei hơdai akăn sư dơ̆ng; sư đei tơpŭ dơ̆ng kơ minh 'nu kon drŏ-nglo sư anăn Set; akăn sư khan, “Kră Yang 'Bok Kei-Dei đei ăn dơ̆ng kơ inh tơpŭ kơ minh 'nu kon drŏ-ngloc nai wă tơplih kơ Abel mă Kain pơlôch boih.”

II Sam 14:6

Inh đĭch đam ih. Inh đei 'bar 'nu kon drŏ-nglo; bre sư tơteh tơtôn băl tơ chŭn tơ mir, ưh kơ đei bơngai bu plah, na bơngai âu teh bơngai to lôch.

II Sam 3:27

Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

II Ho 21:4

Kơplah Jêhôram tŏk pơm pơtao pơtrơp đơ̆ng 'bă sư, wă sư pran kơjăp boih sư iŏk đao gưm pơlôch đĭ lu oh sư hăm lu yŏng pơgơ̆r Isơrael.

Ne 6:2

Na Sanbalat păng Gêsem, wơh bơngai năm truh tơ inh khan: Năm bĕ bơ̆n gô tơ'bơ̆p băl lăm minh pôm pơlei ayơ tơ thŭng Ônô,a mă-lei lu sư chă đon wă pơrăm inh.

Jop 11:15

Lei ih gô ngơk muh măt ih huay kơ mơlâu, ih gô dơ̆ng kơjăp, huay pă hli.

Horiso 139:19

Ơ Kră Yang 'Bok Kei-Dei, trŏ kơ Ih pơlôch lu bơngai pơm kơnê̆! Lu bơngai 'maih pơlôch đe weh bĕ đơ̆ng inh.

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

Horiso 55:21

'Bơ̆r lu sư pơma rơbơ̆r hloh kơ rơmă. Mă-lei lăm jơhngơ̆m lu sư chă tơdrong tơblah. Nơ̆r lu sư rơngơp hloh kơ rơmă, mă-lei nhen đao toh boih đơ̆ng hơnglop.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Mi 7:6

Yua kơ kon drŏ-nglo pơm kơnê̆ kơ 'bă sư, kon drŏ-kăn hil blah mĕ sư, mŏ mai ayăt hăm tơnei drŏ-kăn sư. Păng bơngai ayăt lu sư noh jơ̆ lăm hnam dơnŏ lu sư kơdih.

Jo 35:20

Dah đei bu mă yua kơ klai areh na tơlơ̆ đe, dah pơrơ̆ng klơ̆m hăm tơmam kiơ, yua kơ tơdrong noh na đe lôch;

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Luka 11:51

đơ̆ng Kain pơlôch Abel truh lu 'bok iĕm pơlôch Sachari tơ hnam 'Bok Kei-Dei tơm, yua kơ dôm lu bơngai mă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Luka 22:48

Na Yêsu khan hloi kơ sư thoi âu: “Ơ Juđa, lơliơ mă ih pơm pơrŏ chŭm Inh wă plơ̆ plĕch Inh Kon Bơngai?”

Hêbrơ 11:4

'Bok Abel sơ̆ yua kơ sư đei đon lui, na sư soi kơ 'Bok Kei-Dei trŏ thoi 'Bok Kei-Dei lăp đon. Gah 'nhŏng sư Kain sư soi ưh kơ trŏ ôh, na 'Bok Kei-Dei ưh kơ lăp đon kơ sư. 'Bok Abel sư đei đon lui tơpă, na 'Bok Kei-Dei jô̆ sư bơngai 'lơ̆ng. Thoi noh na 'Bok Kei-Dei lăp đon kơ tơdrong sư soi noh. 'Bok Abel lôch boih, mă-lei đe oei ư-ang sư truh dang ei yua kơ sư đei đon lui.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.