Bl 4:17 - Sơ̆p Hlabơar Nơ̆r 'Bok Kei-Dei

¹⁷ Đang kơ noh Kain oei hơdai hăm akăn sư, akăn sư anăp na tơpŭ kon kơdră sư Ênok; Kain pơjing minh pôm pơlei tih anăn pơlei Ênok, kiơ̆ kơ anăn kon kơdră sư.

Bl 4:17 Iomraidhean Croise

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Bl 4:16

Na Kain kơdŭn weh đơ̆ng Kră Yang păng oei tơ dêh Not, gah hơlĕch kơ pơgar Êđen.

Bl 4:18

Đơ̆ng noh Ênok pơjing Irat, Irat pơjing Mêhujael, Mêhujael pơjing Methujael, Methujael pơjing Lêmek.

Bl 5:18

Jaret đei minh-hrĕng tơdrâu-jĭt 'bar sơnăm, pơjing Ênok.

Bl 5:22

Đơ̆ng rŏng kơ Ênok pơjing kơ Mêtusêla boih, đơ̆ng noh sư mơ̆ng kiơ̆ Kră Yang 'Bok Kei-Dei lăm pêng-hrĕng sơnăm, sư pơjing kon drŏ-nglo kon drŏ-kăn.

II Sam 18:18

Apsalôm kơplah oei arih sư đei man pơdơ̆ng kơ sư minh pôm gơ̆ng tơmo tơ lăm thŭng pơtao; yua kơ sư tơchĕng khan: “Inh ưh kơ đei kon drŏ-nglo wă pơtrơp anăn inh.” Gơ̆ng noh krao kiơ̆ kơ anăn sư; truh kơ dang ei đe oei krao, “Gơ̆ng tơmo Apsalôm.”

Horiso 49:11

Lu sư tơchĕng khan. Hnam inh gô oei oei ling-lang, Păng anih inh oei oei lăm đĭ jơhnơr. Lu sư kư̆m iŏk anăn lu sư pơm anăn kơ chŭn mir lu sư.

Horiso 49:12

Kon bơngai mă khan mơdrŏng tih kư̆m pă oei ling-langi Lu sư thoi sem brem gô hiong răm.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.