Bl 4:14 - Sơ̆p Hlabơar Nơ̆r 'Bok Kei-Dei

¹⁴ Âu, năr 'nâu, Ih pơpuh inh đơ̆ng teh âu, inh weh đơ̆ng muh măt Ih, gô thông mang huang jơ̆p kơ teh đak, đơ̆ng noh dah đei bu tơ'bơ̆p inh, sư gô pơlôch inh.”

Bl 4:14 Iomraidhean Croise

Bl 3:24

Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.

Bl 4:13

Kain tơl Kră Yang thoi âu: “Tơdrong phak inh trăp dêh, pŭ ưh kơ kĕ.

II Sam 14:7

Na dang ei đĭ-đăng lu 'nhŏng oh lu sư iung ayăt hăm inh đam drŏ-kăn ih, lu sư khan: ‘Pơjao ăn bơngai pơlôch oh sư lê̆ kơ nhôn pơlôch sư, wă iung kơting pham kơ oh sư, mă khan sư bơngai pơtrơp ioi, lu bơ̆n kư̆m gô pơlôch sư!’ Na sư gô pĭt tŭk ngar ŭnh ngŭr oei oei, wă kơ klo inh ưh pă đei anăn păng bơngai pơtrơp ioi, adrĕch adrung kơpal teh.”

Horiso 109:10

Ăn kơ lu kon sư jing răm-'băm păng jing ăn-mai. Puh lu sư chă sa ataih đơ̆ng anih hnam đe pơrăm boih.

Horiso 109:12

Thŭ pă đei bu mơnat kơ lu sư, ưh pă đei bu mơnat kơ kon mơti sư.

Horiso 143:7

Ơ Kră Yang! Apinh Ih jah tĕnh tĕnh tơl tơwih nơ̆r inh. Bơhngol inh rơdu rơmơ̆n dêh. Apinh Ih 'nĕ kơ ôn muh măt Ih kơ inh. Hli kơ inh thoi bơngai jur tơ sơlŭng jrŭ.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Je 52:3

Noh Kră Yang hil mĭl kơ tơdrong kơnê̆ lu sư pơm tơ pơlei Jêrusalem păng tơ lăm dêh char Juđa, na Sư puh tơweh lu pơtao noh đơ̆ng anăp Sư. Sêđekia iung blah pơtao Babilôn.

Hôsia 13:3

Thoi noh lu sư nhen thoi tŭk pơgê hrôih kư̆m thoi iĕ kơ đak ngom pơgê 'bônh kơ hrĕng, kư̆m thoi hơkam ba kial bơbơ̆t đơ̆ng anih juă 'ba, thoi 'nhui lĕch đơ̆ng 'măng-'mŏk.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Jo 35:19

Lu bơngai iung kơting, gô pơlôch lu bơngai pơlôch đe; layơ lu bơngai wă iung kơting chă 'bôh tơ'bơ̆p lu bơngai mă pơlôch sư athei pơlôch hloi.

Jo 35:21

dah yua kơ blĕk khŏn pơm 'mong na teh tŭr, yua kơ đơ̆ng tơdrong noh na đe lôch, bơngai bu mă pơm thoi noh đe pơlôch sư hloi. Noh jô̆ bơngai pơlôch bơngai; tơdah bơngai iung kơting chă 'bôh bơngai pơlôch đe noh athei pơlôch lê̆ sư.

Jo 35:27

păng dah lu bơngai iung kơting, tơ'bơ̆p, pơlôch sư tơ 'nguaih kơ pơlei tih mă sư kơdâu ôn, lei lu bơngai iung kơting, 'mong pham noh huay kơ đei yoch glăi ôh kơ pơlôch bơngai.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.