Bl 4:12 - Sơ̆p Hlabơar Nơ̆r 'Bok Kei-Dei

¹² Mưh ih choh pơtăm, teh ưh pă pơjing tơmam sa kơ ih boih, ih gô thông mang huang jơ̆p kơ teh.”

Bl 4:12 Iomraidhean Croise

Bl 4:13

Kain tơl Kră Yang thoi âu: “Tơdrong phak inh trăp dêh, pŭ ưh kơ kĕ.

Bl 4:14

Âu, năr 'nâu, Ih pơpuh inh đơ̆ng teh âu, inh weh đơ̆ng muh măt Ih, gô thông mang huang jơ̆p kơ teh đak, đơ̆ng noh dah đei bu tơ'bơ̆p inh, sư gô pơlôch inh.”

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Horiso 109:10

Ăn kơ lu kon sư jing răm-'băm păng jing ăn-mai. Puh lu sư chă sa ataih đơ̆ng anih hnam đe pơrăm boih.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Hôsia 9:17

Kră Yang 'Bok Kei-Dei inh gô hŭt lê̆ lu sư yua kơ lu sư kuă kơ mơ̆ng nơ̆r Kră Yang na lu sư gô jing bơngai chă thông măng jơ̆p kơ dêh char nai.

Jôel 1:10

Chŭn mir đĭ lê̆ bri, teh choh kư̆m pă lăng, yua kơ 'ba đĭ răm, sik 'nao đĭ bơih, đak rơmă đĭ pă đei.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Lêwi 26:36

Lu bơngai mă oei arih inh gô ăn kơ lu sư rơdu lêl kơplah lu sư oei lăm teh đak bơngai ayăt kơ lu sư. Minh hlak hla kial dơhlu kư̆m pơm kơ sư kơdâu ôn, lu sư kơdâu thoi đe kơdâu kơ đao hơlă păng gô pơ̆k mă ưh kơ đei bu druh sư.

Rom 8:20

Sơ̆ 'Bok Kei-Dei lăng dôm tơmam Sư pơjing, Sư lăp đon dêh. Mă-lei dang ei Sư ăn kơ dôm lu tơmam Sư pơjing noh pơmat-tat yua kơ kon bơngai pơm yoch, ưh kơ sĭ yua kơ tơmam noh pơm yoch ôh. Dang ei Sư oei ăn kơ lu tơmam Sư pơjing noh pơmat-tat, ning-mônh Sư ăn hiôk 'lơ̆ng tơpă.

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi: