Bl 39:6 - Sơ̆p Hlabơar Nơ̆r 'Bok Kei-Dei

⁶ Yŏng tơ'ngla sư jao đĭ-đăng mŭk tơmam sư kơ Jôsep wei-lăng, sư ưh pă hiơ̆k kơ mŭk tơmam noh boih, pă pôm tơdrong sŏng sa sư kơdih. Jôsep bơngai 'lơ̆ng hơbŏ, muh măt rơhau iơ̆m dim.

Bl 39:6 Iomraidhean Croise

Bl 29:17

Lêa măt sư ưh kơ gan hơdah, gah Rachel 'lơ̆ng hơbŏ muh măt hơdah hơdong.

Bl 39:23

Yŏng wei hnam phak ưh pă đei jang kiơ boih, lê̆ kơ Jôsep ngăl, yua kơ Kră Yang tơgŭm sư, mă tôm tơdrong jang kiơ đơ̆ng sư pơm tă kơ jing ngăl.

Bl 39:4

Thoi noh Jôsep đei yŏng tơ'ngla sư lăp đon păng gơnang; yŏng sư jao kơ sư jang, wei-lăng mŭk măk lăm hnam dơnŏ, jao ăn đĭ-đăng mŭk tơmam kơ sư.

Bl 39:8

Jôsep sơngah păng sư khan thoi âu: Yŏng tơ'ngla inh pơjao ăn kơ inh đĭ-đăng mŭk tơmam sư păng lăng âu, yŏng tơ'ngla inh pă đei tơtăm kơ kiơ boih lăm tơdrong jang.

Bl 43:32

Lu đe ei hơmet ăn kơ Jôsep gơ'bang sŏng sa phara: Yua kơ bơngai Êyiptơ ngăl lăng kơ bơngai Hêbrơ lŭch kơ sư yua kơ thoi noh na ưh kơ sŏng sa hơdai.

Tơdrông Pơđơk 31:11

Klo sư đei jơhngơ̆m 'lơ̆ng hơđơ̆ng kơ sư. Bơngai drŏ-kăn thoi noh ưh kơ'bah kiơ.

Luka 16:10

“Bơngai bu pơm tơpăt mă tơdrong iĕ, bơngai noh sư kư̆m gô pơm tơpăt tơdrong tih mơ̆n. Bơngai bu pơm ưh kơ tơpăt đơ̆ng tơdrong iĕ, sư kư̆m ưh kơ tơpăt kơ tơdrong tih.

Luka 19:17

Na yŏng sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm mơjĭt tŏ pơlei.’

Jang 7:20

Hơtai ei đei mĕ Môis tơpŭ kơ sư. 'Bok Kei-Dei lăp đon kơ nge Môis mơ̆n. Mĕ 'bă sư rong nge Môis tơ hnam lăp pêng khei.

I Sam 16:12

Na, Jese năm wơh bơngai năm krao iŏk sư. Muh măt akâu jăn sư hơbŏ 'lơ̆ng. Kră Yang khan kơ Samuel: 'Nâu boih; iung bĕ tuh đak rơmă kơ sư.

I Sam 17:42

Bơngai Philistin noh lăng tơ Đawit, pơjăm hloi, 'bôh sư oei mơlôh akâu jăn muh măt sư 'lơ̆ng.