Bl 39:3 - Sơ̆p Hlabơar Nơ̆r 'Bok Kei-Dei

³ Yŏng tơ'ngla sư 'bôh đei Kră Yang tơgŭm tôm tơdrong jang sư, na tơdrong jang sư pơm keh 'lơ̆ng ngăl.

Bl 39:3 Iomraidhean Croise

Bl 21:20

Kră Yang 'Bok Kei-Dei kư̆m tơgŭm ăn kơ kon sư wơ̆; sư oei tơ lăm thŭng glă, gơh prah hră đam.

Bl 21:22

Lăm char noh, pơtao Abimêlek hăm Pikôl, kră pơgơ̆r linh sư, khan kơ Abraham thoi âu: “Kră Yang 'Bok Kei-Dei kư̆m tơgŭm ih lăm dôm tơdrong ih jang.

Bl 21:23

Thoi noh, dang ei, pơkă bĕ 'bơ̆t anăp Kră Yang 'Bok Kei-Dei ih ưh pă hơlĕnh kơ inh, kơ kon inh hăm kơ adrĕch inh dơ̆ng. Mă-lei ih athei arih sa mă 'lơ̆ng hăm inh păng char mă ih oei dang ei kư̆m thoi inh oei arih sa hăm ih sơ̆.”

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 26:28

Lu sư tơl thoi âu: Lu nhôn 'bôh nhen boih Kră Yang đei tơgŭm dŏng ih, na nhôn pơđâu băl: Athei đei nơ̆r pơkăm đơ̆ng lu nhôn hăm ih, wă kơ lu bơ̆n pơgơ̆p pôm đon hơdai.

Bl 30:27

La'ban tơl sư: Apơi rŏ kơ inh đei pŭn hiôk đơ̆ng mon! Inh tơchĕng băt nhen yua kơ đơ̆ng mon mă Kră Yang đei ăn kơ inh pŭn hiôk noh.

Bl 30:30

Adrol kơ inh truh, kon sem dơrong ih tŏ sĕt đĕch, mă-lei na đơ̆ng năr inh jang na đei rai lơ tơpă. Kră Yang đei tuh ăn pŭn hiôk kơ inh iŏk đơ̆ng năr inh juă jơ̆ng mơ̆t oei tơ lăm hnam âu; băt dang yơ inh gô pơjing sa hnam kơdih.

Bl 39:2

Jôsep oei tơ lăm hnam dơnŏ tơ'ngla sư bơngai Êyiptơ đei Kră Yang tơgŭm, na jing tơdrong jang sư 'lơ̆ng đei yua.

Bl 39:21

Kră Yang tơgŭm Jôsep păng 'mêm kơ sư ưh kơ tơplih, ăn yŏng wei-lăng hnam bơnă oei 'mêm kơ sư.

Bl 39:23

Yŏng wei hnam phak ưh pă đei jang kiơ boih, lê̆ kơ Jôsep ngăl, yua kơ Kră Yang tơgŭm sư, mă tôm tơdrong jang kiơ đơ̆ng sư pơm tă kơ jing ngăl.

II Pot 18:7

Kră Yang oei hơdai hăm sư; dôm sư pơm kiơ, dah jang kiơ gơh jing. Sư blah pơtao đe Asiri, ưh pă chu kơ pơtao ei dơ̆ng.

I Ho 22:13

Thoi noh ih gô đei tơdrong kĕ jei, tơdah ih pơ'lơ̆ng wei răk pơm kiơ̆ tơdrong juăt păng nơ̆r tơtă Kră Yang athei Môis khan ăn kơ lu bơngai Isơrael. Pran kơjăp, păng nuih kơtang bĕ 'nĕ kơ hli, 'nĕ kơ tơrơ.

I Ho 9:20

Sơ̆ Phinêhas, kon drŏ-nglo Êlêasar, bơngai wei-lăng bơngai gak păng Kră Yang oei hơdai hăm sư.

II Ho 1:1

Sôlômôn, kon drŏ-nglo Đawit pơgơ̆r dêh char pơtao sư pran kơjăp; Kră Yang 'Bok Kei-Dei oei hơdai sư ăn kơ sư pran kơjăp tih dêh tơpă.

II Ho 26:5

Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

Ne 2:20

Na inh tơl lu sư: Kră Yang 'Bok Kei-Dei kơpal plĕnh gô ăn kơ lu nhôn đĭch đam Sư, gô pơm pơkeh tơdrong jang 'nâu, lu nhôn gô man pơdơ̆ng hơmet ming mă-lei gah lu iĕm ưh kơ gơh đei tơdrong kiơ 'bơm hăm pơlei Jêrusalem 'nâu.

Horiso 1:3

Bơngai noh nhen thoi tơm 'long chăt cheng đak glung, Đei plei kiơ̆ kơ bơyan, Hla sư ưh kơ đei layơ jô kro, Rim tơdrong jang sư pơm jing ngăl.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

I Sam 18:14

Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.

I Sam 18:28

Wă Sôl lăng băt Kră Yang oei hơdai hăm Đawit, Mikal kon drŏ-kăn Sôl hưch 'mêm kơ Đawit

I Sam 3:19

Samuel wơ̆ 'lŏ gơh hơgei, Kră Yang oei hơdai sư: Kră Yang ưh kơ đei lê̆ minh nơ̆r hơyơ đơ̆ng Sư mă đei pơma boih. Sư gô pơm keh.