Bl 39:12 - Sơ̆p Hlabơar Nơ̆r 'Bok Kei-Dei

¹² Na yă ei rôp ao Jôsep păng khan: Năm 'bĭch hăm inh! Mă-lei Jôsep plôh achăng lê̆ ao sư tơ ti yă ei na Jôsep kơdâu lĕch tơ 'nguaih.

Bl 39:12 Iomraidhean Croise

Bl 39:10

Mă khan rim năr akăn yŏng tơ'ngla sư hrăn kơ pơhlŭ ră, mă-lei Jôsep ưh kơ đei chu nơ̆r noh, ưh kơ 'bĭch hơdai dah oei hăm sư tŏ sĕt.

Bl 39:11

Lăm minh năr ei Jôsep mơ̆t tơ hnam wă bơ̆jang; kơplah noh lăm hnam kơbĭ bu oei hnam.

Bl 39:13

Kơplah noh yă ei 'bôh ao Jôsep oei tơ lăm ti sư, Jôsep kơdâu lĕch tơ 'nguaih boih.

Bl 39:8

Jôsep sơngah păng sư khan thoi âu: Yŏng tơ'ngla inh pơjao ăn kơ inh đĭ-đăng mŭk tơmam sư păng lăng âu, yŏng tơ'ngla inh pă đei tơtăm kơ kiơ boih lăm tơdrong jang.

II Sam 13:11

Wă Tamar pôk hiŏng 'bĕng năm jê̆ giơng, Amnôn rôp dui na khan: “Oh, năm tơ âu 'bĭch hăm 'nhŏng.”

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.

Tơdrông Pơđơk 5:8

Athei weh ataih bĕ đơ̆ng trong sư; 'Nĕ kơ dơ̆ng jê̆ 'măng hnam sư.

Tơdrông Pơđơk 6:5

Pơklaih bĕ ih kơdih thoi kơtŏng klaih đơ̆ng ti lu bơngai lua. Thoi sem klaih đơ̆ng hơđong đe hơ'năk.

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

II Tim 2:22

Pơtih gia bơngai tơdăm sư ling-lang nŏng tơchĕng gah tơdrong akâu sư kơdih, ưh kơ wă tơchĕng tơdrong Kră Yang. Mă ih 'nĕ kơ tơchĕng thoi bơngai 'noh hŏ. Ih athei adrin pơm tơdrong 'lơ̆ng tơpăt, lui mă kơjăp, băt 'mêm mơnat kơ đe păng oei hiôk hơiă hơdai lu bơngai mă đei đon 'lơ̆ng tơpăt, wă khan lu bơngai mă krao khan kơ 'Bok Kei-Dei kơjăp.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.

I Sam 15:27

Samuel wih rŏng wă năm, Sôl rôp tơdrơi ao sư, na ao hiah hloi.