Bl 39:10 - Sơ̆p Hlabơar Nơ̆r 'Bok Kei-Dei

¹⁰ Mă khan rim năr akăn yŏng tơ'ngla sư hrăn kơ pơhlŭ ră, mă-lei Jôsep ưh kơ đei chu nơ̆r noh, ưh kơ 'bĭch hơdai dah oei hăm sư tŏ sĕt.

Bl 39:10 Iomraidhean Croise

Bl 39:11

Lăm minh năr ei Jôsep mơ̆t tơ hnam wă bơ̆jang; kơplah noh lăm hnam kơbĭ bu oei hnam.

Bl 39:8

Jôsep sơngah păng sư khan thoi âu: Yŏng tơ'ngla inh pơjao ăn kơ inh đĭ-đăng mŭk tơmam sư păng lăng âu, yŏng tơ'ngla inh pă đei tơtăm kơ kiơ boih lăm tơdrong jang.

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.

Tơdrông Pơđơk 2:16

Dŏng pơklaih ih đơ̆ng lu drŏ-kăn đi; Noh lu bơngai drŏ-kăn juăt kơ pơhlŭ đei nơ̆r rơngơp;

Tơdrông Pơđơk 22:14

Nơ̆r 'bơ̆r bơngai akăn đe pơm đi thoi sơlŭng jrŭ tơpă. Bơngai mă Kră Yang hil dêh gô huŏng tơ lăm noh.

Tơdrông Pơđơk 23:27

Yua kơ drŏ-kăn đi thoi sơlŭng jrŭ Păng drŏ-kăn luĕl 'blal thoi sơlŭng hrăt.

Tơdrông Pơđơk 23:28

Sư răp chop thoi bơngai tơtông, Chông thim lơ lăm lu kon bơngai pơm kư̆ kă kuă kơ lui,

Tơdrông Pơđơk 5:3

Yua kơ 'bơ̆r lu bơngai drŏ-kăn đi tơlĕch nơ̆r đak sut 'ngam, Păng nơ̆r sư pơma rơbơ̆r hloh kơ đak rơmă.

Tơdrông Pơđơk 5:8

Athei weh ataih bĕ đơ̆ng trong sư; 'Nĕ kơ dơ̆ng jê̆ 'măng hnam sư.

Tơdrông Pơđơk 7:13

Drŏ-kăn noh rôp kuăr sư boih păng chŭm sư. 'Bơ̆r pơma kư̆ kă, wă pơhlŭ bơngai tơdăm noh khan:

Tơdrông Pơđơk 7:5

Wă kơ sư wei ih huay kơ hlŭ kơ drŏ-kăn đi, Drŏ-kăn đi ngăl pơhlŭ hơgei đei nơ̆r 'ngam.

Tơdrông Pơđơk 9:14

Sư hơ-oei ngôi 'bơ̆t 'măng hnam sư, Kơpal tang-dŏ kơjung lăm pơlei,

Tơdrông Pơđơk 9:16

Mơ̆t bĕ tơ âu bơngai kơhlôh; Sư kư̆m khan kơ bơngai kơwao thoi âu:

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

I Tes 5:22

Dah tơdrong glăi iĕm săi tŭk.

I Tim 5:14

Yua kơ thoi noh na inh wă kơ bơngai drŏ-kăn adro oei moh iŏk klo na sư tơpŭ kon wei-lăng hnam dơnŏ sư kơdih wă kơ đe mă ưh kơ lui huay pă che bơle kơ bơ̆n dơ̆ng.

II Tim 2:22

Pơtih gia bơngai tơdăm sư ling-lang nŏng tơchĕng gah tơdrong akâu sư kơdih, ưh kơ wă tơchĕng tơdrong Kră Yang. Mă ih 'nĕ kơ tơchĕng thoi bơngai 'noh hŏ. Ih athei adrin pơm tơdrong 'lơ̆ng tơpăt, lui mă kơjăp, băt 'mêm mơnat kơ đe păng oei hiôk hơiă hơdai lu bơngai mă đei đon 'lơ̆ng tơpăt, wă khan lu bơngai mă krao khan kơ 'Bok Kei-Dei kơjăp.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.