Bl 38:9 - Sơ̆p Hlabơar Nơ̆r 'Bok Kei-Dei

⁹ Mă-lei Ônan băt tơdah đei kon kư̆m ưh kơ jô̆ kon sư na sư lê̆ đak lĕch tơ 'nguaih wă kơ Tamar ưh kơ đei kon hăm sư.

Bl 38:9 Iomraidhean Croise

Bl 38:10

Mă-lei tơdrong sư pơm thoi noh Kră Yang ưh kơ lăp đon, na Kră Yang kư̆m pơlôch sư dơ̆ng.

Jop 5:2

Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Both 25:5

Tơdah 'nhŏng oh pôm mĕ 'bă oei hơdai, đei minh 'nu lôch tam mă đei kon, na akăn bơngai mă lôch noh 'nĕ kơ iŏk klo bơngai nai; 'nhŏng oh gah klo sư athei năm truh tơ sư, iŏk sư pơm akăn, đơ̆ng noh pơm kiơ̆ dôm tơdrong juăt 'nhŏng oh klo sư păng duch adro.

Both 25:6

Kon kơdră drŏ-nglo mă đei tơpŭ noh athei krao anăn bơngai lôch noh, wă kơ anăn bơngai lôch noh huay kơ hiong đơ̆ng adrĕch Isơrael.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

Ya 3:16

Anih ayơ đe 'nhĕng băl păng tơgar băl, anih noh đe pơjah pơjăng băl dêh păng pơm tôm tơdrong kơnê̆.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”

Ru 1:11

Naômi tơl: Ơ mŏ hơdruh, brŏk bĕ tơ hnam mĕ iĕm. Năm kiơ̆ inh wă pơm kiơ? Dơnŏ khan inh oei đei kon dơ̆ng lei na gô pơm klo măr iĕm?

Ru 4:10

Păng Rut adruh bơngai Môap inh iŏk pơm akăn wă pơtrơp anăn bơngai lôch păng mŭk tơmam, wă kơ anăn bơngai lôch huay kơ hiong ôh đơ̆ng lu 'nhŏng oh sư păng đơ̆ng kon pơlei pơla sư; năr âu lu iĕm pơsĭt kơ tơdrong âu.