Bl 38:25 - Sơ̆p Hlabơar Nơ̆r 'Bok Kei-Dei

²⁵ Kơplah đe chông tơlĕch sư, na sư năm wơh bơngai khan kơ tơnei sư thoi âu: Apinh ih lăng tơmam pơsĭt, tơlei âu păng 'long jra bu âu? Inh mă đei anăp âu đơ̆ng bơngai mă đei pơkăm âu.

Bl 38:25 Iomraidhean Croise

Bl 37:32

Na, chĕp ba ao tai brông noh chĕp tơ'bôh kơ 'bă sư păng khan: 'Nâu tơmam mă lu nhôn đei chă 'bôh. Âu iung bĕ hăm trŏ kơ ao kon hơ'lơ̆p ih ưh?

Bl 38:18

Sư tơl: Inh đei tơmam kiơ wă pơkăm hăm ih dang ei? Duch ei tơl: Tơmam tơdra pơsĭt, tơlei păng 'long jra mă ih chĕp tơ ti noh wă pơm kong kơnol pơsĭt. Juđa ăn hloi, na năm 'bĭch hơdai, duch ei anăp hloi đơ̆ng măr sư. Đơ̆ng noh, duch ei iung brŏk.

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.