Bl 37:8 - Sơ̆p Hlabơar Nơ̆r 'Bok Kei-Dei

⁸ Na lu 'nhŏng sư tơl: Lei e gô pơm yŏng lu bơ̆n hă? Lu 'nhŏng sư rai blĕk dêh yua kơ đơ̆ng sư apo noh.

Bl 37:8 Iomraidhean Croise

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

Bl 37:4

Lu 'nhŏng sư 'bôh 'bă sư 'mêm kơ Jôsep hloh kơ lu sư, na lu sư đei jơhngơ̆m klai monh kơ Jôsep, đơ̆ng noh ưh pă gơh pơma pơ'lơ̆ng hăm sư dơ̆ng.

Bl 37:9

Jôsep tep apo dơ̆ng, roi dơ̆ng kơ lu 'nhŏng oh sư thoi âu: Inh oei đei apo pă minh dơ̆ng: 'Nâu đei măt 'năr, măt khei păng mơjĭt-mônh tŏ sơnglŏng đĭ-đăng tă kơ drap kơkuh 'bơ̆t anăp inh!

Bl 42:10

Lu sư tơl thoi âu: Ơ yŏng kơdră ưh kơ sĭ thoi ei ôh; lu đĭch đam ih âu wă răt sa 'ba đĕch.

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

Bl 49:26

Pŭn hiôk đơ̆ng 'bă sơkat rai tŏk. Kơjung hloh kơ pŭn hiôk mă đơ̆ng 'bok yă 'bă, Dĭng truh tơ wĕch kông ling-lang khŏm khŏm hloi: Dôm lu pŭn hiôk 'nâu gô oei tơ kơpal kơ̆l Jôsep, 'Bơ̆t klĕng bơngai mă pơm yŏng kơ lu 'nhŏng oh sư kơdih.

Bl 50:18

Kơdih kâu lu 'nhŏng oh sư năm drap bon tơ teh 'bơ̆t anăp Jôsep păng khan: Lu 'nhŏng oh 'nâu jing đĭch đam oh boih.

Horiso 118:22

Tơmo mă thơ̆ mam hnam hŭt lê̆, jing tơmo man 'bơ̆t mum hnam

Le 2:14

Mă-lei bơngai noh tơl khan: Bơngai bu pôk ih pơm pơtao, pơm tih sek tơlang kơ lu nhôn? Hăm trŏ ih wă pơlôch nhôn thoi lĕ ih pơlôch bơngai Êyiptơ 'noh hă? Môis hli, na khan: Trŏ tơpă, Tơdrong 'nâu rŏ lăng đe băt boih.

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 20:17

Na Yêsu lăng tơ lu sư păng khan: “Tơdrong iĕm kuă kơ Inh noh trŏ thoi đe chih lăm sơ̆p hla bơar 'Bok Kei-Dei sơ̆ thoi âu: Tơmo mă thơ̆ man hnam hŭt lê̆, Jing tơmo man 'bơ̆t mum hnam

Jang 7:35

Hơdrol kơ Môis wă jăk sơ̆ đe Isơrael ưh kơ wă kơ Môis na khan thoi âu: ‘Bu athei ih tŏk pơgơ̆r nhôn păng tơdrong sek tơlang kơ nhôn?’ Mă-lei lăp 'Bok Kei-Dei wơh linh jang 'lơ̆ng pơma păng pơm kơ 'long ŭnh sa ei, na 'Bok Kei-Dei ăn kơ Môis pơgơ̆r păng tơdŏng đe Isơrael đơ̆ng dêh Êyiptơ.

Both 33:16

Apinh Kră Yang Tơ'ngla pơdah akâu lăm bơmreh jơ'bôt 'long ăn kơ teh pŭn hiôk đei 'ba hơ'bo rơkah rơkai. Ăn pŭn hiôk 'bĕnh blai kơpal kơ̆l Jôsep, kơpal klĕng, bơngai pơm yŏng lăm lu 'nhŏng oh sư.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.

I Sam 17:28

Mă-lei Êliap 'nhŏng kơdră sư, hil kơ Đawit pơma apinh thoi noh, na khan: E năm chă kiơ tơ âu? E achăng lê̆ lu triu bơ̆n lăm tơmăn glă ăn kơ bu lăng? Inh băt jơhngơ̆m e pơang pơma kơchu lăm jơhngơ̆m. Truh tơ âu e wă lăng tơblah ah.

I Sam 18:8

Sôl blĕk dêh kơ dôm lu nơ̆r hơri 'nâu ưh kơ lăp jơhngơ̆m sư, sư khan: Đe khan Đawit pơlôch mơjĭt-rơbâu rơbâu 'nu, mă-lei gah inh khan rơbâu rơbâu 'nu đĕch; oei pă minh tam mă gơh pơm pơtao đĕch!