Bl 37:34 - Sơ̆p Hlabơar Nơ̆r 'Bok Kei-Dei

³⁴ Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

Bl 37:34 Iomraidhean Croise

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

Bl 42:38

Mă-lei Jakôp tơl sư: Kon hơdruch inh ưh kơ ăn sư kiơ̆ iĕm ôh. Yua kơ 'nhŏng sư đĭ lôch hiong boih, oei lăp pă minh 'nu sư, tơdah đei tơdrong ưh kơ pŭn truh kơ sư rok trong dơ̆ng lei lu iĕm âu wă pơm ăn kơ 'bok sŏk ko âu ơh sơ'ngon blĕk wă jur tơ dêh atâu.

Bl 44:13

Đĭ-đăng kơ lu sư hek ao kơdih kơdih. Hơtŏk 'bi 'ba tơ rŏng aseh, năm hơlơ̆k brŏk tơ pơlei Jôsep.

II Sam 1:11

Đawit hek hloi ao sư, đĭ-đăng lu bơngai kiơ̆ sư kư̆m pơm thoi noh.

II Sam 3:31

Đawit khan kơ Jôap hăm đĭ-đăng kon pơlei kiơ̆ sư tơ noh: “Hek bĕ ao, asu 'bi tơ akâu, na nhơ̆m hmoi kơ Apner;” lu bơngai năm 'bŭ yak adrol kơ hơbang tung Apner, Đawit kiơ̆ đơ̆ng rŏng kơ đe tung Apner.

I Pot 20:31

Lu bơngai jang kơ pơtao khan kơ pơtao: “Lu nhôn kơtơ̆ng đe khan pơtao đe Isơrael đei tơdrong mơnat. Dang ei apinh ih ăn kơ nhôn tơ̆n 'bi tơ kơiĕng păng pơ̆n tơlei tơ kơ̆l đơ̆ng noh yơ̆r ti năm tơ'bơ̆p pơtao đe Isơrael. Rŏ lăng sư kư̆m ăn kơ ih arih mơ̆n.”

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

II Pot 19:1

Lăp kơtơ̆ng tơdrong noh, Hesekia hek ao sư kơdih, na hrŭk ao 'bi păng năm mơ̆t lăm hnam akŭm kơkuh kơ Kră Yang.

II Pot 2:12

Êlisê lăng 'bôh na sư ôr hloi: “'Bă inh ơi, 'bă inh ơi!” Gre aseh păng linh Isơrael! Êlisê hnhoi dĭng khơ̆i ưh pă 'bôh Êli bơih; na sư hek ao sư phơ̆t tŏk-bŏk.

II Pot 22:11

Lăp wă pơtao kơtơ̆ng nơ̆r lăm Sơ̆p hla bơar khôi juăt boih, na sư hek hloi ao sư.

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

I Ho 7:22

Êphraim 'bă lu sư, nhơ̆m hmoi đunh măng năr; đei 'nhŏng oh sư năm ngôi pơlung sư.

Ne 9:1

Năr 'bar-jĭt puăn lăm khei noh, kon pơlei Isơrael akŭm ơ̆t kơ sŏng sa asu 'bi păng pung 'mui teh tơ kơ̆l lu sư.

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Jop 16:15

Inh sĭt 'bi hrŭk pôn akâu inh, inh drap 'bŭ muh măt inh lăm teh rơpŭk.

Jop 2:12

Đơ̆ng ataih, lu sư lăng 'bôh Jop, mă-lei lu sư ưh kơ kơnăl ôh. Lăp lu sư kơnăl kơ Jop bơih na nhơ̆m ôr, hek ao lu sư kơdih, chup 'mui teh săi tơ kơpal păng săi tơ kơ̆l kơdih.

Horiso 69:11

Mă inh iŏk 'bi hrŭk pơm ao tai, Inh jing pơm kơ lu sư hiĕk ăr.

Êsai 32:11

Lu drŏ-kăn oei hiôk-hian, tơtơ̆ bĕ, ơ lu kon drŏ-kăn ưh kơ tơtăm hli bĕ Plôh bĕ ao lu iĕm, lê̆ akâu hoh tơ̆n bĕ 'bi tơ kơiĕng lu iĕm.

Êsai 36:22

Êliakim kon drŏ-nglo Hilkia, 'bok wei-lăng hnam pơtao, hăm Sepna bơngai chih hla bơar, Jôa kon drŏ-nglo Asap bơngai răp chih tơdrong đei truh, hek ao lu sư kơdih, wơ̆t brŏk roi kơ pơtao Hesekia dôm nơ̆r đêl Rapsaka pơma.

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Mathiơ 26:65

'Bok soi tơm kơtơ̆ng Yêsu pơma thoi noh boih, na sư hek hloi ao sư kơdih yua kơ sư ơh tơpă. Na sư khan: “Bơ̆n mah kăl kơ kiơ chă bơngai nai wă jâu Sư dơ̆ng? Iĕm kơtơ̆ng boih Sư pơma thoi noh hei, Sư pơma blông kơ 'Bok Kei-Dei dêh.

Jang 14:14

Lăp bre Pôl păng 'Barna'ba kơtơ̆ng lu sư wă soi sơmah kơ bre sư, na bre sư hek ao sư kơdih kơlih kơ bre sư lăng tơdrong 'noh glăi tơpă. Na bre sư kơdâu hloi tơkan 'bơ̆t anê̆ đe tơpôl lơ, bre sư khan thoi âu:

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”

Lu 11:35

Lăp sư 'bôh kon drŏ-kăn sư, sư hek hloi ao păng khan: Ơ, ơ mŏ adruh, ih pơm kơ 'bă hơ'ngon dêh tơpă, kon pơm kơ jơhngơ̆m 'bă rŭng răng! Yua kơ 'bă đei krao khan pơkă pơkăm hăm Kră Yang boih ưh kơ gơh wă tơplih nơ̆r âu boih.