Bl 37:14 - Sơ̆p Hlabơar Nơ̆r 'Bok Kei-Dei

¹⁴ Isơrael khan: E năm lăng lu 'nhŏng e thoi yơ păng lu khŭl triu hai liơ? Na brŏk roi kơ inh băt. Thoi noh na đơ̆ng lăm thŭng Hêbrôn, sư athei Jôsep năm tơ Sichem, Jôsep truh tơ Sichem.

Bl 37:14 Iomraidhean Croise

Bl 13:18

Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

Bl 23:19

Đơ̆ng rŏng kơ dôm tơdrong noh, Abraham 'bŭ Sara, akăn sư, lăm gơp tơmo lăm mir Makbêla hơlĕch kơ pơlei Mamrê wă khan Hêbrôn, lăm char Kanaan.

Bl 23:2

Sara lôch tơ Kêriat Arba, noh krao Hêbrôn, lăm tơring Kanaan. Abraham grong nhơ̆m hmoi kơ Sara.

Bl 29:6

Sư jet dơ̆ng: Sư hăm oei liĕm akâu? Lu sư tơl: Sư oei liĕm akâu mơ̆n păng tơ to Rachel, kon adruh sư, mă oei puh lu triu năm tơ âu to.

Bl 35:27

Jakôp truh tơ Isăk, 'bă sư, tơ Mamrê jê̆ pơlei Kiriat, wă khan Hêbrôn, anih pơlei mă bre Abraham păng Isăk oei.

Bl 37:15

Đei minh 'nu tơ'bơ̆p sư wơ̆l lăm mir păng jet sư thoi âu: Ih chă kiơ?

Bl 41:16

Jôsep drơ̆ng: Noh ưh kơ đơ̆ng inh, mă-lei đơ̆ng Kră Yang 'Bok Kei-Dei ăn tơdrong tơblang hiôk-hian kơ pơtao.

Bl 43:27

Sư apinh hloi lu 'nhŏng oh sư thoi yơ hăm oei liĕm akâu păng khan; “'bă kră mă lu iĕm đei roi kơ inh ki noh sư hăm oei liĕm akâu, hăm oei arih?”

II Sam 11:7

Uri năm truh tơ Đawit, Đawit jet gia gah Jôap yŏng linh hăm oei liĕm akâu, bĕ lu linh hăm oei hiôk hơđơ̆ng păng tơdrong tơblah thoi yơ.

II Sam 18:32

Pơtao jet bơngai Kus: “Apsalôm kon tơdăm inh, hăm oei 'lơ̆ng akâu ưh?” Bơngai Kus tơl: “Rŏ kơ lu bơngai ayăt pơtao yŏng tơ'ngla inh, păng đĭ-đăng lu bơngai ayơ ayăt wă pơrăm pơtao; rŏ kơ kư̆m thoi tơdăm noh!”

I Pot 2:33

Thoi noh pham bre noh gô tuh tơ kơpal kơ̆l Jôap păng tơ kơpal kơ̆l adrĕch adrung sư ling-lang; mă-lei Đawit păng adrĕch adrung sư, hnam dơnŏ, tang-dŏ pơtao sư Kră Yang gô ăn đei tơdrong hiôk-hian ling-lang.”

Esther 2:11

Rim năr Morđêkai năm tơ cham hnam lu hơdruh, wă kơ băt kơ Esther sư thoi yơ.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Je 29:7

Chă bĕ tơdrong hiôk-hian jơnap kơ pơlei tih mă Inh đei ăn kơ lu iĕm oei tơ noh pơm bơnă; krao apinh Kră Yang bĕ; yua kơ lu iĕm đei hiôk jơnap noh đơ̆ng pơlei noh hiôk jơnap.”

Jo 13:22

Lu sư yak năm đơ̆ng gah gơal tŏk truh tơ pơlei tih Hêbrôn, tơ noh đei Ahiman, Sêsai păng Tanmai, lu kon sâu Anak oei tơ noh. Đe pơjing pơlei tih Hêbrôn tơpơh sơnăm adrol kơ pơlei Sôan lăm char Êyiptơ,

Luka 19:42

Sư nhơ̆m hmoi rah pơma rah thoi âu: “Ơ Pơlei Jêrusalem, năr âu dah iĕm băt kơ Inh Bơngai wă pơklaih iĕm, lei iĕm hiôk dêh, ưh kơ đei tơdrong gleh truh kơ iĕm năr noh kơnh ôh. Mă-lei iĕm ưh kơ hlôh tơdrong Inh wă pơklaih iĕm dang ei.

Jôsuê 14:13

Jôsuê hơpơi ăn hloi pŭn hiôk kơ Kalep, kon drŏ-nglo Jêphunê ăn teh Hêbrôn kơ Kalep, jang sa.

Jôsuê 14:14

Thoi noh na Hêbrôn jing teh ăn kơ Kalep jang sa kon drŏ-nglo Jêphunê, đơ̆ng bơngai Kênisit ăn kơ Kalep jang sa mă truh dang ei, yua kơ sư chu păng pơm kiơ̆ Kră Yang 'Bok Kei-Dei Isơrael đĭ jơhngơ̆m.

Jôsuê 14:15

Sơ̆ Hêbrôn đe krao Kiriat Arba, Arba bơngai nuih pran tih kơjung lăm kon pơlei Anakim. Đơ̆ng noh, char đei hiôk-hian ưh pă đei tơdrong tơblah dơ̆ng.

Lu 1:10

Đơ̆ng noh lu sư blah kon pơlei Kanaan oei tơ Hêbrôna păng blah Sêsai, Ahiman, hăm Tanmai.

I Sam 17:22

Đawit ming lê̆ tơmam sa sư pơjao kơ minh 'nu bơngai wei tơmam, kơdâu truh tơ anih wă tơblah. Truh jet gia pêng 'nu lu đe 'nhŏng sư hăm oei liĕm kâu dah ưh.