Bl 35:4 - Sơ̆p Hlabơar Nơ̆r 'Bok Kei-Dei

⁴ Na lu sư jao đĭ kơ Jakôp lu rup yang dêh tơmoi, mă khan lu le đoh kơ đon; na sư 'bŭ dôm tơmam noh ala tơm 'long kôih, jê̆ pơlei Sichem.

Bl 35:4 Iomraidhean Croise

Bl 12:6

Abram yak găn dêh char âu, truh tơ tơnơm 'long kôih tơ Mamrê, jê̆ pơlei Sichem. Kơplah noh lu kon pơlei Kanaan oei oei tơ lăm dêh char noh.

Bl 35:3

Klaih kơ noh bơ̆n iung, yak năm tơ Bethel, tơ anih noh inh gô pơm minh pôm chơnang soi kơ Kră Yang 'Bok Kei-Dei, Yang mă đei tơl tơwih kơ inh năr inh đei tơdrong hli krưp păng Yang mă đei tơgŭm inh lăm năr inh oei yak rok trong.

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

Le 32:20

Môis iŏk rup kon rơmo lu sư pơm soh hloi tơ lăm ŭnh, đơ̆ng noh sư peh pơhĕch jing gơnơ̆k păng iŏk gơnơ̆k noh tuh tơ lăm đak, klaih kơ noh ăn lu kon pơlei Isơrael nhă.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Both 7:25

Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Lu 9:6

Đĭ-đăng bơngai lăm pơlei Sichem păng Bêt Milô, pơgơ̆p hơdai băl 'bơ̆t tơnơm 'long kôih păng gơ̆ng tơmo tơ pơlei Sichem, na pơk ăn kơ Abimêlek pơm pơtao.