Bl 35:2 - Sơ̆p Hlabơar Nơ̆r 'Bok Kei-Dei

² Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

Bl 35:2 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Bl 31:19

Kơplah La'ban oei năm yuă sŏk lu triu sư, na Rachel năm iŏk tơtông lu rup yang lăm hnam 'bă sư.

Bl 31:30

Dang ei, yua kơ jơhngơ̆m ih 'maih brŏk dêh tơ 'bă ih, na mă năm boih 'nâu, mă-lei yua kơ kiơ tơtông ba lu rup yang?

Bl 31:34

Na, Rachel đei iŏk dôm lu rup man noh, ôn lăm an lăk-đa, na sư hơ-oei kơtĭt kơpal. La'ban chă pơih jơ̆p lăm anih ưh kơ 'bôh rup yang.

Bl 34:2

Sichem kon tơdăm pơtao Hamôr, bơngai Hêwit, 'bôh adruh noh, na rôp pơgŏ iŏk 'bĭch hơdai păng pơm kư̆ kă.

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

II Sam 7:23

Tơ jơ̆p lăm teh đak hăm đei adrĕch ayơ nhen thoi adrĕch Isơrael Ih, lăp minh pôm adrĕch đĕch lăm teh âu mă Kră Yang 'Bok Kei-Dei dŏng pơklaih wă pơm kon pơlei pơla Ih. Anăn Ih đei pơyom tih, iŏk đơ̆ng Ih pơm tơdrong tih-tin trŏ kơ hli krưp tơpă, kơ kon pơlei Ih lăm teh đak Ih. Kră Yang đei puh lê̆ dôm lu adrĕch nai, păng rup yang lu sư đơ̆ng lăm teh đak 'bơ̆t anăp kon pơlei pơla Ih mă Ih đei dŏng pơklaih đơ̆ng dêh char Êyiptơ.

II Pot 17:29

Mă-lei rim kơ adrĕch adrung, pơm pơjing yang lu sư kơdih, dan lu yang noh lăm anih kơjung mă kon pơlei Samari hlôi pơdơ̆ng pơjing, rim adrĕch adrung lu sư, dan lê̆ yang lu sư kơdih lăm pơlei mă lu sư oei.

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

I Ho 16:26

Yua kơ đĭ-đăng yang lu kon pơlei chă pơm rup đĕch. Mă-lei Kră Yang pơjing lu tăl plĕnh.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Le 19:14

Môis jur đơ̆ng kông năm tơ kon pơlei, athei lu sư wei hơmet akâu mă 'lơ̆ng rơgoh păng pih ao tai lu sư.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Bôk Bơthô 5:1

Kơchăng bĕ mưh ih mơ̆t lăm hnam 'Bok Kei-Dei. Năm mă jê̆ na mơ̆ng, 'lơ̆ng hloh kơ bơngai kơtul pơyơ̆r tơmam soi, lu bơngai mă ưh kơ băt sư đei pơm yoch.

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Je 13:27

Inh 'bôh boih tơdrong kơnê̆ iĕm pơm, Ih pơm pơyô kư̆ kă, tơdrong luĕl 'blal. Pơm pơyô kư̆ kă tơ lăm groi dah tơ mir chŭn. Ơ Jêrusalem răm-'băm tơpă kơ iĕm! Iĕm ưh kơ wă hơmet rơgoh dĭng dang yơ?”

Je 16:20

Kon bơngai hăm gơh pơm yang kơdih sư? Noh rup đĕch, ưh kơ yang ôh.”

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Êsêkiên 18:31

Athei hŭt lê̆ bĕ tơdrong yoch kơnê̆ ataih đơ̆ng lu iĕm mă lu iĕm đei pơm boih, pơm ming bĕ kơ lu iĕm kơdih, jơhngơ̆m 'nao păng tơdrong arih 'nao, ơ adrĕch Isơrael, thoi yơ lu iĕm wă kơ lôch?

Êsêkiên 20:7

Inh khan kơ lu sư: “Rim 'nu lu iĕm athei hŭt lê̆ rup yang kơnê̆ krưp mă măt lu iĕm 'maih lăng; 'nĕ pă pơm 'mê̆-'mach kơ lu iĕm kơdih yua kơ đơ̆ng lu yang Êyiptơ! Inh boih Kră Yang 'Bok Kei-Dei lu iĕm.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Da 5:4

Thoi noh lu sư huch tơdrô păng drap kơkuh bơnê kơ rup yang đe man păng maih păng hu păng kong păng 'long păng bơsei păng tơmo.

Lêwi 15:5

Bu mă hơtŭt 'bơm giơng tep sư, athei pih hơbĕn ao sư, hum lăm đak păng sư jing kơnê̆ 'mê̆-'mach truh kơmăng.

Lêwi 17:16

Tơdah sư ưh kơ pih hơbĕn ao sư păng ưh kơ hum, sư gô pŭ tơdrong yoch sư.

Jo 31:24

Năr mă tơpơh lu iĕm athei pih hơbĕn ao iĕm, lei na sư goh; đơ̆ng noh na iĕm gơh mơ̆t lăm kơđông.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

I Kor 10:7

Thoi noh na bơ̆n 'nĕ kơkuh kơ yang nai thoi lu yă 'bok bơ̆n mơ'nah sơ̆. Sơ̆p hla bơar 'Bok Kei-Dei roi tơdrong lu sư sơ̆ thoi âu: “Lu kon pơlei pơla sa et măk ai, kư̆m pơm suang pơrŏ kơ yang lu sư.”

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

Both 11:28

Tơdrong hiap pơtê̆, tơdah lu iĕm kuă kơ mơ̆ng păng ưh kơ pơm kiơ̆ ôh dôm nơ̆r tơtă đơ̆ng Kră Yang 'Bok Kei-Dei lu iĕm, mă weh achăng lê̆ nơ̆r tơtă đơ̆ng Kră Yang 'Bok Kei-Dei iĕm, na yak kiơ̆ trong lu yang nai, mă lu iĕm ưh kơ băt.

Both 32:16

Lu sư kơkuh kơ rup yang nai wă tơblĕk Kră Yang tơ'ngla 'mêm gar. Pơm wă kơ Kră Yang ơh hil kơ lu sư pơm rup yang, Sư areh lăng krưp.

Both 5:7

Lu iĕm 'nĕ kơkuh kơ yang nai, 'nguaih kơ Inh.

Both 6:14

'Nĕ kơ kiơ̆ lu yang nai, lu yang mă lu adrĕch adrung oei jum dăr kơ iĕm.

Both 7:25

Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

Jôsuê 24:14

Thoi noh dang ei, athei chu yom bĕ kơ Kră Yang păng pơm kiơ̆ kơ Sư hăm đĭ jơhngơ̆m păng tơnăp, hŭt lê̆ bĕ lu yang mă 'bok lu iĕm kơkuh tơ gah hơlĕch kơ đak Krong Tih păng tơ lăm char Êyiptơ; athei chu yom bĕ kơ Kră Yang.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Jôsuê 24:2

Jôsuê khan hăm đĭ-đăng kon pơlei: “Kră Yang 'Bok Kei-Dei Isơrael đei khan: ‘'Bok iĕm sơ̆ noh Tharê 'bă kơ Abraham păng Nakô, oei gah to Krong Tih păng bơ̆jang kơkuh kơ lu yang nai.

Jôsuê 24:20

Tơdah lu iĕm achăng lê̆ Kră Yang, na kơkuh kơ yang tơmoi, kơplah noh Sư gô wih pơlôch pơrăm pơgoh lu iĕm, đang kơ Sư pơm 'lơ̆ng boih kơ lu iĕm đei truh tơ năr 'nâu.”

Jôsuê 24:23

Jôsuê khan dơ̆ng: Thoi noh, dang ei, athei hŭt lê̆ bĕ yang tơmoi đơ̆ng lăm lu iĕm, athei đei jơhngơ̆m chu brŏk tơ Kră Yang 'Bok Kei-Dei Isơrael.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

Ru 1:15

Naômi khan dơ̆ng kơ Rut thoi âu: Ih lăng bĕ, oh ih sư brŏk tơ pơlei păng yang sư kơdih, ih brŏk thoi mŏ ih bĕ.

I Sam 16:5

Na sư tơl: Hiôk-hian Inh truh tơ âu wă pơyơ̆r tơmam soi 'buh kơ Kră Yang; hơmet bĕ kơdih akâu mă 'lơ̆ng rơgoh păng kư̆m wang năm tơ âu hơdai inh. Sư kư̆m krao wơ̆n Jese lu kon drŏ-nglo sư hơmet akâu kơdih rơgoh 'lơ̆ng na kư̆m năm tơ anih pơyơ̆r.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.