Bl 34:7 - Sơ̆p Hlabơar Nơ̆r 'Bok Kei-Dei

⁷ Lu kon drŏ-nglo Jakôp brŏk đơ̆ng bri, lu sư 'nao băt tơdrong noh, na lu sư hil hơwĕng dêh; yua kơ tơdrong pơ'brơh pơm kơnê̆ kơ adrĕch adrung Isơrael, 'bĭch hơdai hăm kon adruh Jakôp, noh jơ̆ tơdrong lu sư ưh kơ wă kơ đei thoi noh.

Bl 34:7 Iomraidhean Croise

Bl 20:9

Đơ̆ng noh pơtao Abimêlek krao Abraham păng khan: “Ih pơm kiơ kơ inh thoi noh? Inh hăm đei pơm kiơ kơ ih ưh kơ hiôk mă ih đei pơm kơ inh păng đĭ lăm char inh đei yoch tih thoi noh? Ih pơm kơ inh mă đe ưh kơ biơh ôh kơ pơm.”

Bl 34:6

Kơplah noh, Hamôr păng Sichem, năm tơ Jakôp wă pơma dơnuh tơdrong noh.

Bl 34:8

Hamôr pơma dơnuh hăm lu sư thoi âu: Jơhngơ̆m Sichem, kon tơdăm inh, đei tơ'bưh boih hăm kon adruh lu iĕm; apinh ăn kơ sư oei kơ oh lu iĕm, pơm akăn sư.

Bl 46:7

Thoi noh, Jakôp păng đĭ-đăng hnam dơnŏ sư, lu kon drŏ-nglo, lu sâu drŏ-nglo, lu kon drŏ-kăn, lu sư jur đĭ tơ dêh Êyiptơ.

II Sam 13:21

Pơtao Đawit hil blĕk dêh kơtơ̆ng dôm tơdrong noh.

Horiso 93:5

Ơ Kră Yang, dôm tơdrong Ih tơtă kơjăp sĭt; Hnam Ih 'lơ̆ng rơgoh tơpă truh tơ ning-mônh hloi.

Tơdrông Pơđơk 7:7

Đei bơngai kơhlôh kơwao lăm lu bơngai 'nao iung tơdăm, Lăm lu tơdăm mơlôh đei minh 'nu ưh kơ hlôh băt.

Je 29:23

yua kơ lu sư đei pơm yoch bơlŭk kơnê̆ boih lăm lu bơngai Isơrael, pơm yoch ngôi pơyô kư̆ kă hăm akăn lu bơngai rông 'bôt sư kơdih păng pơma hơlĕnh mă Inh ưh kơ đei athei lu sư. Inh băt păng pơm kơdranh kơ tơdrong noh. Noh Kră Yang khan.

Lêwi 4:13

Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Lêwi 4:27

Tơdah minh 'nu bơngai lăm lu kon pơlei hơch 'bơm pơm yoch, minh tơdrong lăm nơ̆r tơtă Kră Yang păng pơm tơdrong Sư khă ưh kơ ăn pơm noh na jing yoch boih.

I Kor 10:8

Bơ̆n 'nĕ pơm pơyô kư̆ kă thoi lu sư mơ'nah sơ̆; yua kơ lu sư pơm pơyô kư̆ kă, na 'Bok Kei-Dei pơrăm lu sư lôch lăm minh năr đei 'bar-jĭt pêng-rơbâu 'nu.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

Êphêsô 5:3

Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

Both 22:20

Mă-lei dah tơdrong drŏ-nglo khan noh trŏ tơpă, bơngai adruh noh ưh pă 'lơ̆ng hơnĭl bơih.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 23:17

Lăm lu kon drŏ-kăn dah drŏ-nglo bơngai Isơrael; 'nĕ kơ đei bơngai bu pơm pơyô kư̆ kă tơ anih rup yang.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Ya 3:10

Lăp pôm 'bơ̆r đĕch băt kơ ư-ang 'Bok Kei-Dei, băt kơ blei hiap bôl buăl. Ơ lu 'nhŏng oh, bơ̆n pơma thoi noh ưh kơ trŏ boih.

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Lu 20:6

Đơ̆ng noh, inh chơ iŏk akâu akăn inh, chơ̆ng hơjăl, na ăn kơ đe năm ba tơ jơ̆p kơ teh đak Isơrael yua kơ lu sư đei pơm boih tơdrong kơnê̆ dêh thoi noh pơm pơ'brơh 'mê̆-'mach lăm char Isơrael.