Bl 34:3 - Sơ̆p Hlabơar Nơ̆r 'Bok Kei-Dei

³ Jơhngơ̆m Sichem hưch kơ Đina, sư pơlung pơhlŭ dang đak sut đak kơdrot pơma hăm adruh noh.

Bl 34:3 Iomraidhean Croise

Bl 34:2

Sichem kon tơdăm pơtao Hamôr, bơngai Hêwit, 'bôh adruh noh, na rôp pơgŏ iŏk 'bĭch hơdai păng pơm kư̆ kă.

Bl 34:4

Sichem apinh 'bă sư, Hamôr thoi âu: Rôp ăn kơ inh Đina wă pơm akăn.

Bl 50:21

Thoi ei, 'nĕ kơ hli, inh gô 'me rong lu iĕm păng lu kon akăn iĕm. Đơ̆ng noh Jôsep pơlung lu 'nhŏng oh sư pơma iŏk nơ̆r rơngơp hăm lu 'nhŏng oh sư.

II Sam 19:7

Thoi noh dang ei pơtao jah iung bĕ, năm pơma pơlung jơhngơ̆m lu đĭch đam ih hloi; inh pao anăn Kră Yang na pơkă, tơdah pơtao ưh kơ năm pơlung, lei lăm măng 'nâu ưh kơ đei minh 'nu bơngai bu oei hơdai hăm ih; păng noh boih tơdrong gô truh pơmat trăp hloh kơ lu tơdrong đei truh kơ pơtao mă đơ̆ng kơplah oei 'lơ̆p sơ̆ truh kơ dang ei.”

II Ho 30:22

Hesekia pơma pơhiôk jơhngơ̆m lu bơngai Lêwi đei đon hlôh wao bơ̆jang kơ Kră Yang. Lu sư sŏng sa lăm tơpơh năr păng pơyơ̆r tơmam soi 'blŏk bơnê kơ Kră Yang 'Bok Kei-Dei lu 'bok lu sư.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Hôsia 2:16

Kră Yang khan thoi âu: “Lăm năr noh ih gô krao Inh: Klo inh; păng ưh pă krao Inh khan: Yang Baal inh dơ̆ng.

Lu 19:3

klo sư năm 'moi sư pơma pơlung pơ'lơ̆ng jơhngơ̆m sư, wă iŏk sư brŏk klo sư chông ba minh 'nu đĭch đam sư păng 'bar tŏ aseh iĕ. Drŏ-kăn ei sơng klo sư mơ̆t lăm hnam 'bă sư; wă 'bă sư 'bôh ŏng sư truh, 'bă sư kư̆m sơng chơt hiôk.

Ru 1:14

Na lu sư nhơ̆m dơ̆ng, đơ̆ng noh Orpa chŭm tơnei sư na tơklah; mă-lei Rut sư kiơ̆ tơnei sư Naômi.

I Sam 18:1

Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.