Bl 33:10 - Sơ̆p Hlabơar Nơ̆r 'Bok Kei-Dei

¹⁰ Jakôp tơl thoi âu: Ưh ôh, apinh 'nhŏng iŏk bĕ dôm tơmam oh pơyơ̆r kơ 'nhŏng noh đơ̆ng jơ̆ng ti oh jang; yua kơ 'bôh tơ'bơ̆p muh măt 'nhŏng thoi 'bôh muh măt Kră Yang 'Bok Kei-Dei mơ̆n; păng 'nhŏng đei jơhngơ̆m hiôk sơng iŏk nhôn.

Bl 33:10 Iomraidhean Croise

Bl 19:19

Âu, inh boih mă đĭch đam Ih 'mêm mơnat, Ih đei tơ'bôh boih tơdrong 'mêm mơnat kơ inh tih tơpă! Păng pơklaih tơdrong arih inh. Mă-lei inh wă kơdâu tŏk tơ kông ưh kơ kĕ adrol kơ tơdrong truh kơ pơlei âu, na inh wă lôch boih.

Bl 32:30

Jakôp krao anăn anih noh Phênielc Yua kơ sư khan thoi âu: Inh 'bôh boih Kră Yang 'Bok Kei-Dei 'bơ̆t tơm măt inh păng inh gơh oei arih.

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

Bl 33:9

Êsâu khan: “Oh, 'nhŏng đei tôm mah boih; thoi noh pơdrâu bĕ kơ oh dôm tơmam oh noh hei.”

Bl 43:3

Juđa tơl: Bơngai noh ki sư đei pơkă kơ lu nhôn tơpă thoi âu: Yua kơ tơdah oh hơdruch ưh kơ jur kiơ̆ hơdai lu iĕm, lei lu iĕm ưh pă 'bôh muh măt inh.

Bl 47:29

Kơplah lăm năr sư wă jê̆ lôch, Isơrael krao Jôsep, kon drŏ-nglo sư păng khan thoi âu: Tơdah 'bă đei tơdrong pŭn hiôk 'bơ̆t anăp kon, dan bĕ ti 'bơ̆t blu 'bă lui gơnang đĭ gơh găt păng pơm tơpăt hăm 'bă, apinh kon 'nĕ kơ 'bŭ 'bă tơ teh đak Êyiptơ âu hŏ.

Bl 50:4

Đang kơ pơdong boih, Jôsep khan kơ lu 'bok tih wei Pharaôn thoi âu: Apinh iĕm mơnat kơ inh roi bĕ kơ Pharaôn kơtơ̆ng thoi âu:

II Sam 14:24

Pơtao khan: “Ăn sư brŏk tơ hnam sư kơdih ưh kơ đei năm tơ'bơ̆p pơtao.” Na Apsalôm brŏk tơ hnam sư kơdih ưh kơ đei tơ'bơ̆p pơtao ôh.

II Sam 14:28

Apsalôm oei tơ lăm pơlei Jêrusalem lăm 'bar sơnăm, ưh kơ đei tơ'bơ̆p muh măt 'bă sư.

II Sam 14:32

Apsalôm tơl sư: “Inh wơh bơngai năm krao ih, năm tơ âu. Inh wă kơ ih năm pơma dơnuh hăm pơtao tơgŭm inh. Inh đơ̆ng dêh Gêsur wih tơ âu wă pơm kiơ? Kơtrơ̆m lê̆ inh oei tơ noh đĕch 'lơ̆ng hloh. Na dang ei, inh 'maih năm lĕch tơ'bơ̆p pơtao; tơdah inh đei tơdrong yoch kơnê̆ kiơ, apinh pơtao jah pơlôch inh bĕ.”

II Sam 3:13

Đawit tơl: “Ơ, inh gô pơkă pơgơ̆p hăm ih. Inh apinh ih minh tơdrong: Ih ưh kơ gơh năm tơ'bơ̆p inh, ăp kơ ih chông ba Mikal, kon adruh Sôl 'mơ̆i, tơdah ih wă năm tơ'bơ̆p inh.”

Jop 33:26

Sư krao apinh Kră Yang 'Bok Kei-Dei, na Kră Yang tơl tơwih. Sư kơkuh kơ Kră Yang hăm tơdrong chơt hiôk. Yua kơ Kră Yang huai iŏk sư.

Horiso 41:11

Tơdah lu ayăt ưh pă kĕ jei đơ̆ng noh boih inh băt kơ Ih lăp đon kơ inh.

Je 31:2

Kră Yang khan: “Minh adrĕch adrung klaih đơ̆ng đao gưm đei boih pŭn hiôk lăm char glă, kơplah Inh ăn kơ lu bơngai Isơrael pơdơh hiôk-hian.”

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Tơdrông Tơ'bôh 22:4

Lu sư gô 'bôh muh măt 'Bok Kei-Dei păng đei chơ̆m đŏng yâu 'Bok Kei-Dei tơ klĕng lu sư.

Ru 2:10

Rut kŭp kơ̆l drap bon 'bơ̆t anăp sư, khan. Yua kơ kiơ inh mah đei tơdrong mơnat 'bơ̆t anăp ih, dĭng ih mah lăng inh, mă khan inh bơngai tơmoi ră?

I Sam 20:3

Mă-lei Đawit khan hơđăl: 'Bă ih băt hơđăl ih 'mêm kơ inh, na đei pơma khan: 'Nĕ kơ roi ăn kơ Jônathan băt, kơnh sư hơ'ngon inh pao anăn Kră Yang mă arih ling-lang păng tơdrong arih ih na pơkă: Lăp minh yak đĕch sơlam inh hăm tơdrong lôch.