Bl 32:5 - Sơ̆p Hlabơar Nơ̆r 'Bok Kei-Dei

⁵ Đei rơmo, aseh, triu, đĭch drŏ-nglo, đam drŏ-kăn, thoi noh apinh lu đe âu năm roi kơ yŏng tơ'ngla inh băt adrol, wă kơ đei pŭn hiôk đơ̆ng yŏng tơ'ngla inh.

Bl 32:5 Iomraidhean Croise

Bl 30:43

Yua kơ thoi noh sư mă mơdrŏng dêh, đei lơ sem dơrong, đĭch drŏ-nglo, đam drŏ-kăn, lăk-đa păng aseh iĕ.

Bl 31:16

Mŭk tơmam mă Kră Yang 'Bok Kei-Dei iŏk đơ̆ng ti 'bă nhôn, tơmam lu nhôn hăm lu kon nhôn. Na dang ei ih pơm kiơ̆ bĕ nơ̆r Kră Yang 'Bok Kei-Dei đei bơtho khan.

Bl 31:3

Kră Yang khan kơ Jakôp thoi âu: Brŏk bĕ tơ dêh char 'bok yă 'bă ih, tơ 'nhŏng oh ih, inh gô tơgŭm ih.

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

Bl 33:15

Êsâu khan: Thoi ei, 'nhŏng lê̆ hơya minh 'bar 'nu bơngai gô yak hơdai oh, Jakôp khan: Ngĕ kiơ kơ lei huay ôh, 'nhŏng đei jơhngơ̆m 'mêm kơ oh, 'noh gĭt dêh bơih!

Bl 33:8

Êsâu apinh: Khŭl bơngai mă 'nhŏng đei tơ'bơ̆p hei noh. Oh wă pơm kiơ? Sư tơl: Noh wă apinh tơdrong mơnat đơ̆ng ih kơdră inh.

Bl 47:25

Kon pơlei drơ̆ng: 'Bok ih đei pơrih lu nhôn! Apinh ih asong mơnat kơ lu nhôn 'bơ̆t anăp ih, nhôn jing đĭch đam Pharaôn.

II Sam 16:4

Pơtao pơma hăm Siba. “Lei na inh ăn kơ ih dôm tơmam, Mephibôset.” Siba tơl dơ̆ng: “Inh kơkuh bơnê kơ ih,” “apinh ăn kơ inh gơh lăp jơhngơ̆m ih yŏng tơ'ngla inh ling-lang.”

Jop 6:22

Inh ưh kơ đei apinh lu iĕm: “Apinh iĕm ăn bĕ tơmam kơ inh! Apinh pơyơ̆r ăn bĕ kơ inh tơmam đơ̆ng lu iĕm đei!

Luka 12:45

Mă-lei dah bơngai kai noh tơchĕng lăm to sư kơdih khan: Yŏng inh wă wih oei đunh, na bơngai kai noh chă tôn teh lu bôl buăl sư mă drŏ-nglo drŏ-kăn, na sư sa et tơ̆p suai,

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.

I Sam 1:18

Sư drơ̆ng, apinh ih ăn kơ inh đam drŏ-kăn ih đei mơnat 'bơ̆t anăp ih. Na Hana wih brŏk păng sŏng sa, muh măt sư ưh pă sơ'ngon bơih.