Bl 31:53 - Sơ̆p Hlabơar Nơ̆r 'Bok Kei-Dei

⁵³ Apinh Kră Yang 'Bok Kei-Dei Abraham, Kră Yang 'Bok Kei-Dei Nahôr, Kră Yang 'Bok Kei-Dei 'bă lu sư noh sek tơlang kơ bơ̆n! Jakôp pơkăm hăm anăn Kră Yang Isăk, 'bă sư, na sư pơkă hăm jơhngơ̆m hli yom.

Bl 31:53 Iomraidhean Croise

Bl 11:31

Thêra chông ba Abram, kon drŏ-nglo sư, Lot kon drŏ-nglo Haran, sâu sư păng Sarai akăn Abram, mŏ mai sư, lĕch đơ̆ng Ur, lăm dêh Kalđê, na năm tơ char Kanaan kơplah lu sư truh tơ pơlei Charan sư pơjing hnam dơnŏ bơ̆jang sa tơ noh.

Bl 14:22

Abram tơl sư thoi âu: “Inh yơ̆r ti 'bơ̆t anăp Kră Yang 'Bok Kei-Dei tih hloh, Kră Yang pơgơ̆r plĕnh teh, na pơkă thoi âu:

Bl 16:5

Sarai khan kơ Abram thoi âu: “Tơdrong mă inh chu iŏk mơlâu mak-ai kơ ih. Inh đei jao boih đam drŏ-kăn inh kơ ih, na dang ei sư 'bôh sư anăp boih, na sư areh kơ inh. Apinh Kră Yang sek tơlang kơ ba.”

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 31:42

Tơdah Kră Yang 'Bok Kei-Dei 'bă inh, Isăk Kră Yang 'Bok Kei-Dei 'bok inh Abraham, mă hli yom, ưh kơ tơgŭm yŏng inh, băt dang ei ih pơpuh tơbrŏk inh tơ noh. Kră Yang 'Bok Kei-Dei đei 'bôh boih tơdrong jang inh pơmat-tat đơ̆ng ti chă pơjing, lei na măng hei ih 'bôh boih sư sek tơlang tơpăt thoi noh.

Bl 31:52

Pôi tơmo 'nâu păng jrăng 'nâu wă pơm kơdranh thoi âu: Inh ưh kơ gơh yak hloh kơ tơmo âu, wă năm tơ ih, ih kư̆m ưh kơ gơh yak hloh kơ tơmo âu wă truh tơ inh, dah đei tơdrong wă pơrăm băl.

Bl 47:31

Jakôp khan dơ̆ng: Kon pơkă bĕ. Jôsep pơkă, đơ̆ng noh Isơrael sơtơ̆p kŭl-tăng 'bơ̆t kơ̆l giơng sư.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 5:21

na khan; “măr iĕm pơm kiơ kơ lu nhôn. Apinh Kră Yang lăng păng phak măr iĕm. Yua kơ kiơ măr iĕm ăn kơ Pharaôn păng linh bơ̆jang kơ sư hil areh kơ lu nhôn, thoi ăn đao gưm lăm ti lu sư wă kơ pơlôch lu nhôn.”

Both 6:13

Iĕm athei hli yom kơ Kră Yang 'Bok Kei-Dei iĕm bơ̆jang kơ Sư păng yua anăn Sư na pơkă pơkăm,

Jôsuê 24:2

Jôsuê khan hăm đĭ-đăng kon pơlei: “Kră Yang 'Bok Kei-Dei Isơrael đei khan: ‘'Bok iĕm sơ̆ noh Tharê 'bă kơ Abraham păng Nakô, oei gah to Krong Tih păng bơ̆jang kơkuh kơ lu yang nai.

Lu 11:27

Inh ưh kơ đei pơm yoch hăm ih, mă-lei ih pơm glăi hăm inh, wă tơblah hăm inh. Apinh Kră Yang, tơ'ngla sek tơlang, sek tơlang ăn kơ lu bơngai Isơrael păng kon pơlei Ammôn!

I Sam 20:23

Gah nơ̆r ba hlôi pơkă pơkăm boih, hơpơi kơ Kră Yang pơm kơdranh tŏk-bŏk ih hăm inh truh ning-mônh ling-lang.

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.