Bl 31:42 - Sơ̆p Hlabơar Nơ̆r 'Bok Kei-Dei

⁴² Tơdah Kră Yang 'Bok Kei-Dei 'bă inh, Isăk Kră Yang 'Bok Kei-Dei 'bok inh Abraham, mă hli yom, ưh kơ tơgŭm yŏng inh, băt dang ei ih pơpuh tơbrŏk inh tơ noh. Kră Yang 'Bok Kei-Dei đei 'bôh boih tơdrong jang inh pơmat-tat đơ̆ng ti chă pơjing, lei na măng hei ih 'bôh boih sư sek tơlang tơpăt thoi noh.

Bl 31:42 Iomraidhean Croise

Horiso 31:7

Inh gô chơt hiôk păng 'nă hal, Lăm tơdrong Ih 'mêm mơnat. Yua kơ Ih 'bôh boih tơdrong pơmat-tat inh, Băt boih kơ tơdrong bơhngol inh sơ'ngon.

Bl 31:29

Ti inh gơh wă pơrăm ih; mă-lei Kră Yang 'Bok Kei-Dei 'bă ih đei khan kơ inh măng hei thoi âu: Mă 'lơ̆ng, mă kơnê̆, ih wei akâu ih 'nĕ pơma kơ Jakôp hŏ?

Bl 31:53

Apinh Kră Yang 'Bok Kei-Dei Abraham, Kră Yang 'Bok Kei-Dei Nahôr, Kră Yang 'Bok Kei-Dei 'bă lu sư noh sek tơlang kơ bơ̆n! Jakôp pơkăm hăm anăn Kră Yang Isăk, 'bă sư, na sư pơkă hăm jơhngơ̆m hli yom.

Bl 29:32

Lêa anăp tơpŭ kơ minh 'nu kon drŏ-nglo krao anăn sư Rubên, a yua kơ đei khan Kră Yang 'bôh tơdrong inh pơmat-tat; na dang ei klo inh gô 'mêm hưch kơ inh.

Êsai 8:13

Pôk pơư pơang bĕ Kră Yang Tih Hloh 'lơ̆ng rơgoh, Kră Yang mă lu iĕm athei hli Sư bơih Kră Yang trŏ kơ iĕm hli yom.

Bl 31:24

Mă-lei lăm măng sư tep apo, Kră Yang 'Bok Kei-Dei khan kơ La'ban bơngai Aram thoi âu: Mă 'lơ̆ng dah kơnê̆ ih wei akâu ih 'nĕ pơma kơ Jakôp hŏ?

Ju 1:9

'Bok Mikael, 'bok mă pơgơ̆r tơduă lu sư linh jang 'lơ̆ng, kơplah yŏng yang kơnê̆ wă pơjei iŏk atâu Môis, 'bok Mikael ưh kơ pơ̆n pơma jâu kơnê̆ kơ yang ei ôh. Sư pôm pơma thoi âu đĕch: “Inh gô mơ̆ng kơ 'Bok Kei-Dei đĕch khă e.”

I Ho 12:17

Đawit lĕch sơng lu sư păng khan: “Tơdah lu iĕm năm hăm tơdrong hiôk-hian păng wă tơgŭm inh lei jơhngơ̆m inh gô pơgơ̆p hăm lu iĕm; tơdah lu iĕm hơlĕnh blah inh wă tơgŭm kơ lu bơngai ayăt, lei apinh Kră Yang 'Bok Kei-Dei 'bok bơ̆n sek lăng păng phak lu iĕm; yua kơ ti inh ưh kơ đei pơm tơdrong kơnê̆ kiơ.”

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Bl 31:12

Linh jang khan: Ngơk lăng tơ to: Đĭ-đăng lu triu tơ noh oei kiơ̆ akăn mă đei tuh kon tă kơ đei sŏk bring brông ngăl păng hơglŭk hơglăk; yua kơ inh 'bôh boih La'ban pơm kơ ih.

Bl 31:5

Păng khan kơ măr sư thoi âu: Inh 'bôh muh măt 'bă măr iĕm ưh pă gan hiôk hăm inh thoi sơ̆ boih, mă-lei Kră Yang 'Bok Kei-Dei, 'bă inh tơgŭm inh.

Bl 27:33

Isăk kơtơ̆ng thoi noh sư 'brơ̆k lăm jơhngơ̆m dêh na khan: Thoi ei, bĭ bu mă chă lua 'nhĕm bri hei đei hơmet pôk ăn kơ 'bă sa boih? 'Nao adrol 'biơ̆ kơ e brŏk. 'Bă sa đĭ boih păng sơkat ăn boih kơ sư đei tơdrong pŭn hiôk, lei pŭn hiôk noh đei kơ sư boih.

Bl 16:13

Hơgar anăn Kră Yang mă đei pơma hăm sư thoi âu: “Ih boih Kră Yang 'Bok Kei-Dei mă 'bôh inh,” yua kơ sư khan: “Inh 'bôh boih Kră Yang 'Bok Kei-Dei mă 'bôh inh.”

Bl 16:11

Na khan dơ̆ng. “'Nâu, ih oei anăp, ih gô tơpŭ kơ minh 'nu kon drŏ-nglo, ih gô krao anăn sư Ismael, a yua kơ Kră Yang đei kơtơ̆ng tơdrong ih ơh sơ'ngon.

Bl 11:5

Kră Yang jur lăng pơlei hnam thôt mă kon bơngaib đei pơm.

Bl 32:9

Đơ̆ng noh Jakôp krao khan thoi âu: “Ơ Kră Yang 'Bok Kei-Dei kơ 'bok inh 'bok Abraham. 'Bă inh Isăk, wă khan Kră Yang! Ih đei bơtho pơkă kơ inh thoi âu: ‘Wih brŏk bĕ tơ tơring ih tơ 'nhŏng oh, kơtum kơtŏng ih, na Inh gô ăn pŭn hiôk kơ ih.’

Bl 35:3

Klaih kơ noh bơ̆n iung, yak năm tơ Bethel, tơ anih noh inh gô pơm minh pôm chơnang soi kơ Kră Yang 'Bok Kei-Dei, Yang mă đei tơl tơwih kơ inh năr inh đei tơdrong hli krưp păng Yang mă đei tơgŭm inh lăm năr inh oei yak rok trong.

Bl 46:1

Isơrael yak năm, chĕp ba dôm tơmam sư đei truh tơ Bêrsêba, sư pơyơ̆r tơmam soi kơ Kră Yang 'Bok Kei-Dei 'bă sư Isăk.

Da 2:23

Ơ Kră Yang 'Bok Kei-Dei inh! Inh bơnê păng ư-ang kơ Ih, yua kơ đơ̆ng Ih ăn kơ inh tơdrong hlôh wao gơh hơgei păng tơdrong mơsêh dang ei, Ih ăn boih kơ inh jing băt kơ tơdrong mă lu nhôn krao khan apinh, na roi tơbăt ăn kơ nhôn băt kơ tơdrong pơtao apo.

Both 15:13

Kơplah ăn sư rơngei, 'nĕ kơ ăn sư brŏk tơpang ti hoh.