Bl 31:12 - Sơ̆p Hlabơar Nơ̆r 'Bok Kei-Dei

¹² Linh jang khan: Ngơk lăng tơ to: Đĭ-đăng lu triu tơ noh oei kiơ̆ akăn mă đei tuh kon tă kơ đei sŏk bring brông ngăl păng hơglŭk hơglăk; yua kơ inh 'bôh boih La'ban pơm kơ ih.

Bl 31:12 Iomraidhean Croise

Bl 31:10

Tơdrong truh thoi âu: Wă lu triu tơno kiơ̆ akăn, inh tep apo 'bôh lu triu tơno kiơ̆ akăn lăm khŭl noh tă kơ lu triu tơno brông păng đei sŏk brông, hơglŭk hơglăk ngăl.

Bl 31:42

Tơdah Kră Yang 'Bok Kei-Dei 'bă inh, Isăk Kră Yang 'Bok Kei-Dei 'bok inh Abraham, mă hli yom, ưh kơ tơgŭm yŏng inh, băt dang ei ih pơpuh tơbrŏk inh tơ noh. Kră Yang 'Bok Kei-Dei đei 'bôh boih tơdrong jang inh pơmat-tat đơ̆ng ti chă pơjing, lei na măng hei ih 'bôh boih sư sek tơlang tơpăt thoi noh.

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 139:3

Ih 'bôh hơđăl trong inh yak păng 'bơ̆t inh 'bĭch. Dôm trong inh Ih băt nhen.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 3:9

Nơ̆r krao ôr đơ̆ng kon pơlei Isơrael kơtơ̆ng truh tơ Inh păng Inh 'bôh boih kon pơlei Êyiptơ pơgŏ pơđep lu sư thoi yơ;

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Jang 7:34

Inh 'bôh boih tơdrong đe Êyiptơ pơđep lu iĕm mă kon Inh. Inh kơtơ̆ng iĕm nhơ̆m hmoi na dang ei Inh jur wă dŏng mơnat kơ lu iĕm. Iung bĕ, Inh wơh ih năm tơ dêh Êyiptơ.’

Êphêsô 6:9

Ơ lu bơngai yŏng tơ'ngla wei lu bơngai đĭch, iĕm kư̆m pơm mă 'lơ̆ng kơ lu đĭch iĕm; mă sư ưh kơ chu 'nĕ kơ hil kơ sư dêh păng 'nĕ kơ tôn teh sư mơnat kơ sư mơ̆n. Mă iĕm bơngai yŏng tơ'ngla sư, mă sư bơngai đĭch iĕm, đĭ-đăng kơ bơ̆n đei minh 'nu Yŏng tih hloh kơ đĭ-đăng, Sư oei tơ kơpal plĕnh ti. Sư lăng đĭ-đăng bơngai lei-lăi đĕch ưh kơ đei phara kiơ ôh.

Both 24:15

Iĕm athei apah ăn kơ bơngai noh lăm năr sư jang hloi adrol kơ 'năr mơ̆t; yua kơ bơngai dơnuh noh sư chang kơ tơmam apah noh, kơnh hli kơ bơngai noh krao ôr truh tơ Kră Yang na lu iĕm gô pŭ yoch.