Bl 30:25 - Sơ̆p Hlabơar Nơ̆r 'Bok Kei-Dei

²⁵ Đơ̆ng rŏng kơ Rachel tơpŭ boih kơ Jôsep, na Jakôp khan kơ mih sư La'ban thoi âu: Apinh ih ăn kơ inh pơdơh, wă kơ inh brŏk wih tơ tơring nhôn.

Bl 30:25 Iomraidhean Croise

Bl 18:33

Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.

Bl 24:54

Đang kơ noh đam ei păng lu bơngai kiơ̆ sư sŏng sa păng tep hloi tơ noh. Năr đơ̆ng rŏng lu sư iung đơ̆ng tep boih, bơngai đam noh sư khan: “Apinh iĕm asong inh brŏk wih tơ yŏng tơ'ngla inh.”

Bl 24:56

Đam sư tơl: “Apinh iĕm 'nĕ kơ pơhiơ̆ inh yua kơ Kră Yang ba trong inh keh đang boih, apinh iĕm ăn kơ inh brŏk tơ yŏng tơ'ngla inh.”

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 28:15

'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.

Bl 31:13

Inh âu boih mă Kră Yang 'Bok Kei-Dei tơ'bôh kơ ih tơ Bethel, anih mă ih đei pik đak rơmă 'bơ̆t jrăng păng đei krao apinh Inh. Dang ei, iung bĕ, lĕch đơ̆ng char âu na wih brŏk tơ tơring char 'nhŏng oh ih.

Bl 31:55

La'ban iung đơ̆ng hrôih, chŭm lu kon drŏ-kăn, lu sâu sư păng sơkat khan thŭ đei pŭn hiôk kơ iĕm, đơ̆ng noh sư wih brŏk tơ hnam sư dơ̆ng.

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.