Bl 30:24 - Sơ̆p Hlabơar Nơ̆r 'Bok Kei-Dei

²⁴ na sư krao anăn kon drŏ-nglo sư noh Jôsep.i Sư khan dơ̆ng thoi âu: Apinh Kră Yang thim ăn kơ inh pă minh 'nu kon drŏ-nglo dơ̆ng!

Bl 30:24 Iomraidhean Croise

Bl 30:25

Đơ̆ng rŏng kơ Rachel tơpŭ boih kơ Jôsep, na Jakôp khan kơ mih sư La'ban thoi âu: Apinh ih ăn kơ inh pơdơh, wă kơ inh brŏk wih tơ tơring nhôn.

Bl 35:24

Kon Rachel: Jôsep păng Bênjamin.

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Bl 37:4

Lu 'nhŏng sư 'bôh 'bă sư 'mêm kơ Jôsep hloh kơ lu sư, na lu sư đei jơhngơ̆m klai monh kơ Jôsep, đơ̆ng noh ưh pă gơh pơma pơ'lơ̆ng hăm sư dơ̆ng.

Bl 42:6

Na kơplah 'nâu, trŏ kơ Jôsep pơgơ̆r lăm dêh char Êyiptơ noh păng kư̆m tĕch ăn 'ba kơ đĭ-đăng kon pơlei. Lu đe 'nhŏng Jôsep truh, drap bon kơkuh 'bơ̆t anăp sư;

Êsêkiên 37:16

“Ơ kon bơngai, ih athei iŏk minh pôm 'long jra păng chih tơ noh: Juđa păng adrĕch adrung Isơrael pơgơ̆p hăm sư. Athei iŏk minh pôm 'long jra nai dơ̆ng păng chih tơ noh: Jôsep, noh tơmam Êphraim hăm lu adrĕch Isơrael jing pơgơ̆p hơdai.

Tơdrông Tơ'bôh 7:8

đơ̆ng adrĕch adrung Sabalôn mơjĭt-'bar rơbâu 'nu; đơ̆ng adrĕch adrung Yôsep mơjĭt-'bar rơbâu 'nu; đơ̆ng adrĕch adrung Bênjamin mơjĭt-'bar rơbâu 'nu. Na lu sư chơ̆m đŏng yâu đĭ-đăng kơ lu bơngai noh.