Bl 3:19 - Sơ̆p Hlabơar Nơ̆r 'Bok Kei-Dei

¹⁹ Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Bl 3:19 Iomraidhean Croise

Bl 18:27

Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih.

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Bl 23:4

“Inh jơ̆ bơngai tơmoi oei pơdơh tơ âu hơdai iĕm. Apinh asong inh teh wă pơm bơsat lăm tơring iĕm wă 'bŭ bơngai mă inh jô̆ akâu akar inh.”

Bl 3:18

Teh gô chăt lu jơla păng 'long bơmrôm, păng ih gô sa tơmam chăt đơ̆ng lăm mir pơgar;

Bl 5:5

Thoi noh Ađam arih đei tơsĭn-hrĕng pêng-jĭt sơnăm, na lôch.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jop 10:9

'Blŏk bĕ kơ Ih man pơjing inh thoi đe man gŏ teh; Lei ih wă pơdrâu inh tơ 'mui teh dơ̆ng hă?

Jop 19:26

Mă đơ̆ng rŏng kơ akar inh tơlŏng bơih, Inh hơpơi rŏ oei 'bôh Kră Yang 'Bok Kei-Dei, hăm akâu akar âu.

Jop 21:26

Đĭ kơ 'bar tă 'bĭch hơdai lăm 'mui teh ngăl, Hrai sa 'bĕnh-'bang pơđĭ kơ 'bar.

Jop 34:15

Đĭ-đăng lu sĕch akar gô lôch hơdai. Păng kon bơngai brŏk tơ 'mui teh.

Jop 4:19

Pơma kiơ kơ kon bơngai đơ̆ng teh lơ̆n. Pơjing đơ̆ng 'mui teh, trŏ kơ pơjuă bơhlơ̆r thoi mua kơmot.

Horiso 103:14

Yua kơ Sư băt bơ̆n jing đơ̆ng yơ, Sư 'blŏk kơ bơ̆n đơ̆ng 'mui teh.

Horiso 104:23

Na kon bơngai, lĕch năm jang, Bơ̆jang dĭng truh kơ kơsơ̆.

Horiso 104:29

Layơ Ih ôn muh măt, lu sư rŭng răng. Layơ Ih pơdrâu kial dui jơhngơ̆m. Lu sư lôch păng brŏk tơ 'mui teh.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Horiso 22:15

Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.

Horiso 22:29

Đĭ kơ lu bơngai mơdrŏng tih lăm teh đak kư̆m gô sŏng sa păng kơkuh; Đĭ-đăng lu bơngai brŏk tơ 'mui teh, gô drap kơkuh 'bơ̆t anăp Sư Păng dôm lu bơngai mă ưh kơ gơh bơwei tơdrong arih sư,

Horiso 90:3

Ih ăn kơ kon bơngai wih brŏk tơ 'mui teh, Ih khan: “Ơ kon bơngai, brŏk bĕ tơ 'mui teh.”

Tơdrông Pơđơk 21:16

Bơngai wơ̆l hiong tơdrong gơh hơgei Gô oei hơdai hăm khŭl bơngai lôch.

Bôk Bơthô 1:13

Inh nŏng kơ yua tơdrong gơh hơgei wă tơchĕng pơwao dôm tơdrong jang tơ ala teh âu; noh jơ̆ minh tơdrong gleh hrat mă 'Bok Kei-Dei pơjao boih kơ kon bơngai wă kơ jang.

Bôk Bơthô 1:3

Dôm tơdrong kon bơngai jang gleh hrat lăm ala teh 'nâu, hăm đei yua kiơ̆ ưh!

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 3:20

Pơđĭ kơ bre sư gô brŏk tơ minh anih, đĭ kơ bre sư jing đơ̆ng 'mui teh, đĭ kơ bre sư kư̆m gô brŏk tơ 'mui teh.

Bôk Bơthô 5:15

Bơ̆n lĕch đơ̆ng klak mĕ akâu hoh, bơ̆n lôch brŏk tơ teh kư̆m hoh thoi noh mơ̆n, brŏk tơpang ti hoh ưh kơ đei chĕp ba kiơ đơ̆ng tơdrong jang mă gleh hrat noh.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

I Kor 15:47

Bơngai kơ đĭ-đăng hơdrol sơ̆, sư đơ̆ng 'Bok Kei-Dei pơjing sư păng teh, man sư păng 'mui teh; na bơngai mă 'bar 'noh Sư jur đơ̆ng plĕnh.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

II Tes 3:10

Hơtai nhôn oei hăm iĕm ki, nhôn kư̆m pơkă kơ iĕm thoi âu: “Bơngai bu alah ưh kơ wă jang, iĕm 'nĕ kơ 'me sư.”

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.