Bl 3:17 - Sơ̆p Hlabơar Nơ̆r 'Bok Kei-Dei

¹⁷ Kră Yang khan kơ Ađam thoi âu: “Yua kơ ih chu nơ̆r akăn ih na sa plei 'long mă Inh khă ưh kơ ăn sa, ‘thoi noh teh gô pŭ hơngiap yua kơ ih,’ lăm chăl arih ih athei chu gleh lap na đei tơmam sa kơ ih lĕch đơ̆ng teh.

Bl 3:17 Iomraidhean Croise

Bl 3:11

Kră Yang 'Bok Kei-Dei jet khan: “Bu đei tơ'bôh kơ ih băt ih akâu hoh?” Hăm trŏ kơ ih đei sa plei 'long Inh đei khă ưh kơ ăn ih sa?”

Bl 3:18

Teh gô chăt lu jơla păng 'long bơmrôm, păng ih gô sa tơmam chăt đơ̆ng lăm mir pơgar;

Bl 3:6

Bơngai drŏ-kăn lăng 'bôh plei 'long noh rŏ kơ sa 'lơ̆ng nham, na kư̆m lăp măt păng gĭtb yua kơ wă pơih kơ̆l 'ngok hơgei na phĕ sa; đơ̆ng noh na ăn kơ klo sư sa, mă oei jê̆ sư. Klo sư kư̆m sa mơ̆n.

Bl 5:29

Sư anăn Nôê păng khan thoi âu: “Sư âu boih wă pơlung jơhngơ̆m lu bơ̆n đơ̆ng tơdrong jang mă gleh lap yua kơ Kră Yang hiap pơtê̆ boih teh âu.”

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Jop 21:17

Hơdôm wơ̆t ŭnh kơđeng bơngai pơm kơnê̆ păt? Hơdôm wơ̆t tơdrong pơmat truh tuh tơ lu sư, Kră Yang 'Bok Kei-Dei hil phak lu sư?

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Bôk Bơthô 2:11

Inh tơchĕng hơlen lăng dôm tơdrong đêl ti inh pơm. Tuh bơuh bơang pă băt dang yơ gleh hrat, inh lăng dôm tơdrong noh jơ̆ tơdrong kơ đei ưh kơ hlôh yua kơ kiơ thoi pơmơ̆ng kơ kial bơbơ̆t sư tơ yơ kiơ̆ tơ noh, kon bơngai ưh kơ đei pơm kiơ mă đei yua lăm ala teh âu.

Bôk Bơthô 2:17

Lei, inh đĭ areh kơ chăl arih inh, yua kơ dôm tơdrong truh tơ ala teh âu pơm kơ inh pơmat, đĭ-đăng tơdrong ưh kơ đei ưh kơ yua kiơ, thoi gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 5:17

Ih sa rai oei arih tơ lăm măng mu, đei lơ tơdrong ơh sơ'ngon chhŭr nuih, gleh lap, jĭ jăn.

Mathiơ 22:12

'Bok pơtao khan kơ bơngai ei: ‘Ơ ma, lơliơ ih mơ̆t tơ lăm anih âu mă ưh kơ hrŭk tơplih hơbĕn ao tơdrong juăt pơkong?’ Mă-lei bơngai ei ưh kơ pơ̆n drơ̆ng sư thoi yơ.

Mathiơ 25:45

Na Inh gô khan kơ lu sư: ‘Inh khan kơ iĕm tơpă, yua kơ sơ̆ iĕm ưh kơ tơgŭm mơnat kơ lu 'nhŏng oh Inh âu, lu sư bơngai iĕ hloh kơ iĕm, noh dang iĕm ưh kơ tơgŭm Inh mơ̆n.’

Luka 19:22

Na yŏng sư khan: ‘Ơ dăm, ih bơngai ưh kơ chu dêh. Ih jô̆ kơ inh iŏk jên đơ̆ng iĕm mơdro thoi lĕ bơngai kĕch iŏk 'ba đơ̆ng đêl đe pơtăm hă?

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Hêbrơ 6:8

Mă-lei dah teh noh pơjing 'bĕnh kơ 'nhĕt jơla uh-un, teh noh ưh kơ yua kiơ, tŭk đĕch, tơpo hơtuch soh tŭk tăm. Na 'Bok Kei-Dei kư̆m pơm kơ kon bơngai bơ̆n thoi noh mơ̆n.