Bl 3:16 - Sơ̆p Hlabơar Nơ̆r 'Bok Kei-Dei

¹⁶ Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

Bl 3:16 Iomraidhean Croise

Bl 4:7

Dah ih pơm 'lơ̆ng liơ ih ưh kơ pơ̆n ngơk muh măt? Na mưh ưh kơ pơm 'lơ̆ng, to tơdrong yoch răp gô 'bơ̆t 'măng 'ngeng kơ ih dêh mă-lei ih 'nĕ kơ ăn jei sư.”

I Ho 4:9

Jabes đe pơyom hloh 'biơ̆ kơ lu 'nhŏng oh sư; mĕ sư krao anăn Jabes sư khan: “Inh tơpŭ kơ sư noh pơmat.”

Esther 1:20

Thoi noh tơdah layơ nơ̆r pơtao noh đei roi tơbăt tơ jơ̆p-jang lăm teh đak ih, mă să păng tih dêh, lei na đĭ-đăng lu drŏ-kăn gô chu yom kơ klo lu sư, mă mơdrŏng yŏng mơng truh tơ bơngai pă rơ-a.

Horiso 48:6

Tơ noh lu sư hli tơtơ̆.a Lu sư jĭ jăn pơmat thoi drŏ-kăn tơpŭ.

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 21:3

Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 22:23

Ơ lu bơngai oei lăm char Liban, pơm anih oei lăm kơdrơ̆ng 'long hơngo, ih gô tơngưih dêh kơplah đei tơdrong jĭ tuĕnh truh kơ ih, thoi lu bơngai drŏ-kăn jĭ wă hơiơch!

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 49:24

Pơlei Đamas jơhngơ̆m rơdu boih, kơdŭn kơdâu ôn; hli tơrơ. Jĭ tuĕnh, thoi drŏ-kăn tŏk-bŏk oei hơiơch.

Je 6:24

Lu nhôn kơtơ̆ng ang boih gah lu sư, kơkŏng ti lu nhôn đĭ rơdu; Tơdrong hli gơhret lu nhôn, Jơhngơ̆m lu nhôn jĭ tuĕnh thoi drŏ-kăn wă tơpŭ.

Jo 30:13

Klo sư jô̆ yoch dah huay dôm tơdrong sư đei pơkă pơkăm hăm dih kâu sư.

Yo 16:21

Thoi bơngai drŏ-kăn, truh năr sư wă jê̆ tơpŭ, sư sơ'ngon kơlih kơ sư jĭ. Hlôi sư tơpŭ boih sư hiơt kơ tơdrong jĭ sư kơlih kơ sư chhơp yua kơ đei hơ'lơ̆p boih.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 14:34

Lăm iĕm akŭm, lu bơngai drŏ-kăn athei hreh ưh kơ gơh iung pơma. Lu bơngai lui mă akŭm jơ̆p-jang anih kư̆m pơm thoi noh mơ̆n. Lu bơngai drŏ-kăn athei lui yom kơ bơngai drŏ-nglo kư̆m thoi tơdrong 'Bok Kei-Dei pơkă.

I Kor 7:4

Gah tơdrong 'noh akăn sư ưh kơ gơh pơm yŏng kơdih ôh, athei gô mơ̆ng kơ klo sư wă. Klo sư kư̆m lei-lăi mơ̆n, gô mơ̆ng kơ akăn sư wă.

Kôlôsê 3:18

Lu bơngai drŏ-kăn, iĕm athei chu yom kơ klo iĕm pơgơ̆r yua kơ iĕm lui boih kơ Kră Yang Yêsu Krist.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

I Tim 2:13

Kơlih kơ 'Bok Kei-Dei pơjing 'bok Ađam hơdrol, klaih kơ noh pơjing yă Ewơ.

I Tim 2:15

Mă-lei lu bơngai drŏ-kăn gô đei jơhngơ̆m hiôk yua kơ sư tơpŭ kon. Păng sư athei lui kơ 'Bok Kei-Dei khŏm khŏm păng 'mêm kơ 'Bok Kei-Dei hăm đĭ-đăng bơngai. Sư athei pơm jơhngơ̆m 'lơ̆ng tơpăt păng 'nĕ kơ pơm kư̆ kă.

Tit 2:5

Lu sư bơtho lu drŏ-kăn oei moh 'nĕ pơm đon kư̆ kă athei tơchĕng đon 'lơ̆ng tơpăt ling-lang păng athei tơchĕng tơdrong bơ̆jang lăm hnam dơnŏ sư kơdih. Jơhngơ̆m sư athei 'lơ̆ng păng klo sư, lui yom kơ klo sư păng pơm jơhngơ̆m 'lơ̆ng hăm lu bôl buăl mơ̆n. Sư athei răk đon thoi âu mă tơpă na lu bơngai ưh tam mă lui, sư huay kơ bâu roi tơdrong 'Bok Kei-Dei.