Bl 28:18 - Sơ̆p Hlabơar Nơ̆r 'Bok Kei-Dei

¹⁸ Sư iung đơ̆ng hrôih iŏk tơmo mă đơ̆ng sư hơgơn tơiung păng pơdơ̆ng pơm jrăng wă tơdra păng tuh hloi đak rơmă tơ kơ̆l jrăng noh,

Bl 28:18 Iomraidhean Croise

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

Bl 22:3

Abraham iung đơ̆ng hrôih, hrơ̆t aseh. Sư chông ba 'bar 'nu đĭch đam sư păng kon sư Isăk kư̆m năm hơdai. Sư chăl 'long ŭnh chĕp ba wă 'buh tơmam soi na năm tơ anih mă Kră Yang 'Bok Kei-Dei đei tơ'bôh ăn.

Bl 28:11

Truh tơ minh anih noh, măt 'năr mơ̆t boih, na sư pơdơh kơmăng tơ anih noh. Sư iŏk minh pôm tơmo hơgơn kơ̆l, na sư tep hloi tơ noh.

Bl 31:13

Inh âu boih mă Kră Yang 'Bok Kei-Dei tơ'bôh kơ ih tơ Bethel, anih mă ih đei pik đak rơmă 'bơ̆t jrăng păng đei krao apinh Inh. Dang ei, iung bĕ, lĕch đơ̆ng char âu na wih brŏk tơ tơring char 'nhŏng oh ih.

Bl 31:45

Jakôp iŏk minh pôm tơmo, pơdơ̆ng wă pơm tơdra;

Bl 35:14

Jakôp pơdơ̆ng hloi minh pôm jrăng tơmo tơ anih mă Kră Yang 'Bok Kei-Dei đei pơma dơnuh hăm sư tuh pơyơ̆r sik păng đak rơmă kơpal noh.

Bl 35:20

Jakôp pơdơ̆ng minh pôm tơmo 'bơ̆t kơ̆l, noh boih bơsat Rachel, tơmo pơdơ̆ng kơ̆l bơsat Rachel oei truh tơ dang ei.

II Sam 18:18

Apsalôm kơplah oei arih sư đei man pơdơ̆ng kơ sư minh pôm gơ̆ng tơmo tơ lăm thŭng pơtao; yua kơ sư tơchĕng khan: “Inh ưh kơ đei kon drŏ-nglo wă pơtrơp anăn inh.” Gơ̆ng noh krao kiơ̆ kơ anăn sư; truh kơ dang ei đe oei krao, “Gơ̆ng tơmo Apsalôm.”

Horiso 119:60

Inh hăt hot hloi ưh kơ gô ôh. Wă wei răk dôm nơ̆r Ih tơtă.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 19:19

Lăm năr noh gô đei minh pôm chơnang soi kơ Kră Yang tơ lăm dêh Êyiptơ. Păng đei minh pôm jrăng man 'blŏk kơ Kră Yang tơ jih hơdral teh đak noh.

Jo 7:1

Kơplah Môis pơdơ̆ng Bơsŭn Anih Akŭm đang boih, tuh đak rơmă păng 'măn lê̆ pha Bơsŭn Anih Akŭm dôm lu tơmam yua lăm noh, tuh đak rơmă tơ chơnang soi păng đĭ-đăng tơmam yua lăm chơnang soi noh đang boih,

Jôsuê 4:9

Jôsuê kư̆m akŭm pơdơ̆ng mơjĭt-'bar tŏ tơmo iŏk đơ̆ng lăm tŏk-bŏk đak Krong Jôrđăn, 'bơ̆t anih jơ̆ng, lu 'bok soi tung Hom Pơgơ̆p oei dơ̆ng, lu tơmo noh oei đei truh tơ dang ei.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.