Bl 28:10 - Sơ̆p Hlabơar Nơ̆r 'Bok Kei-Dei

¹⁰ Jakôp đơ̆ng Bêrsêba năm truh tơ Charan.

Bl 28:10 Iomraidhean Croise

Bl 11:31

Thêra chông ba Abram, kon drŏ-nglo sư, Lot kon drŏ-nglo Haran, sâu sư păng Sarai akăn Abram, mŏ mai sư, lĕch đơ̆ng Ur, lăm dêh Kalđê, na năm tơ char Kanaan kơplah lu sư truh tơ pơlei Charan sư pơjing hnam dơnŏ bơ̆jang sa tơ noh.

Bl 12:4

Đơ̆ng noh Abram năm, kiơ̆ thoi nơ̆r Kră Yang khan tơ'bôh, Lot kư̆m kiơ̆ hơdai sư. Kơplah Abram lĕch đơ̆ng Charan, sư đei tơpơh-jĭt pơđăm sơnăm boih.

Bl 12:5

Abram chông ba Sarai, akăn sư, Lot mon sư păng đĭ-đăng lu mŭk tơmam sư đei hơmet ba păng lu đĭch đam sư mă đei đơ̆ng Charan, lĕch đơ̆ng noh, lu sư năm truh tơ dêh Kanaan.

Bl 26:23

Isăk weh đơ̆ng noh, yak tŏk tơ Bêrsêba.

Bl 27:43

Thoi noh, dang ei dăm, mơ̆ng bĕ nơ̆r mĕ, iung năm kơdâu ôn tơ hnam La'ban mih e tơ Charan.

Bl 29:4

Jakôp jet lu bơngai wei triu. Ơ Lu đe 'nhŏng, lu iĕm đơ̆ng yơ? Lu sư tơl thoi âu: Nhôn đơ̆ng Charan.

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Bl 35:1

Kră Yang 'Bok Kei-Dei khan kơ Jakôp thoi âu: Iung bĕ, weh năm tŏk oei tơ Bethel. Păng pơdơ̆ng tơ noh minh pôm chơnang soi ăn kơ Kră Yang 'Bok Kei-Dei, Kră Yang mă đei tơ'bôh boih kơ ih kơplah ih kơdâu ôn kơ Êsâu 'nhŏng ih.

Bl 35:7

Jakôp pơm tơ noh minh pôm chơnang soi, sư anăn anih âu El Bethela Yua kơ tơ âu Kră Yang 'Bok Kei-Dei tơ'bôh akâu Sư kơ Jakôp 'bơ̆t năr sư kơdâu đơ̆ng 'nhŏng sư Êsâu.

Bl 46:1

Isơrael yak năm, chĕp ba dôm tơmam sư đei truh tơ Bêrsêba, sư pơyơ̆r tơmam soi kơ Kră Yang 'Bok Kei-Dei 'bă sư Isăk.

Le 33:1

Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Hôsia 12:12

Jakôp kơdâu tơ char Aram, tơ noh Isơrael jang gleh wă kơ đei akăn, yua kơ wă kơ đei akăn, na sư wei triu.

Jang 25:13

Đơ̆ng rŏng kơ noh 'bar pêng năr pơtao Agripa hăm oh drŏ-kăn sư, anăn sư ei Bêrênis, năm hơpong tơ Phêtus tơ Pơlei Sêsarê.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.