Bl 27:35 - Sơ̆p Hlabơar Nơ̆r 'Bok Kei-Dei

³⁵ Mă-lei Isăk tơl dơ̆ng: Oh e chă đon pơdăr tơgar iŏk tơdrong pŭn hiôk đơ̆ng e boih.

Bl 27:35 Iomraidhean Croise

Bl 27:33

Isăk kơtơ̆ng thoi noh sư 'brơ̆k lăm jơhngơ̆m dêh na khan: Thoi ei, bĭ bu mă chă lua 'nhĕm bri hei đei hơmet pôk ăn kơ 'bă sa boih? 'Nao adrol 'biơ̆ kơ e brŏk. 'Bă sa đĭ boih păng sơkat ăn boih kơ sư đei tơdrong pŭn hiôk, lei pŭn hiôk noh đei kơ sư boih.

Bl 29:25

Truh pơgê, na băt kơ Lêa, Jakôp jet La'ban dơ̆ng: Lơliơ mih hơlĕnh kơ inh?

II Pot 10:19

Dang ei na akŭm pơpôi ăn kơ ĭnh dôm lu bơngai khan lê̆ adrol yang Baal noh bĕ lu bơngai kơkuh kơ sư păng đĭ-đăng lu 'bok soi sư. Ưh kơ gơh krŭl minh 'nu bu ôh, yua kơ ĭnh wă pơyơ̆r minh pôm tơmam soi tih ăn kơ yang Baal. Dah bơngai bu ưh kơ truh sĭt bơngai noh ưh kơ arih ôh.” 'Noh Jêhu chă đon wă pơlôch pơtôch lê̆ lu bơngai bơ̆jang kơkuh kơ yang Baal.

Jop 13:7

Hăm trŏ đơ̆ng Kră Yang 'Bok Kei-Dei, Na iĕm pơ̆n pơma hơlĕnh? Hăm trŏ yua kơ Sư iĕm pơma pơdăr hă?

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Malachi 2:10

Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.