Bl 27:28 - Sơ̆p Hlabơar Nơ̆r 'Bok Kei-Dei

²⁸ Apinh Kră Yang 'Bok Kei-Dei ăn kơ kon 'mui tŭk đơ̆ng plĕnh jur, Wă kơ đei mơ̆r kơ teh. Păng đei phe 'ba hăm sik plei hơmu rơkah rơkai.

Bl 27:28 Iomraidhean Croise

Bl 27:37

Isăk tơl thoi âu: 'Bă sơkat ăn kơ sư jing yŏng e, hăm đĭ lu 'nhŏng oh jing đĭch đam sư; păng 'bă sơkat apinh Kră Yang 'Bok Kei-Dei hơmet 'măn phe 'ba păng đei sik plei hơmu kơ sư. Thoi ei 'bă wă pơm liơ kơ e dơ̆ng dang ei?

Bl 27:39

Isăk, 'bă sư pơma dơ̆ng: Âu anih e oei teh gô ưh kơ jing. Păng tŭk kư̆m ưh kơ gan jur đơ̆ng plĕnh.

Bl 45:18

Chông 'bă păng đĭ hnam dơnŏ sư jur oei păng inh. Inh gô asong kơ lu sư tơmam kiơ mă gĭt hloh tơ char Êyiptơ âu păng lu sư gô choh jang đei teh 'lơ̆ng mơ̆r.

Bl 49:20

Đơ̆ng anih Aser đei tơmam sa 'lơ̆ng. Sư gô chă tơmam 'bâu phu ăn kơ pơtao.

Bl 49:25

Kră Yang 'Bok Kei-Dei đơ̆ng 'bă gô tơgŭm e; Kră Yang mơsêh mơyang gô ăn pŭn hiôk kơ e, Wă khan tơdrong pŭn hiôk jruh đơ̆ng plĕnh. Hăm tơdrong pŭn hiôk jruh đơ̆ng anih jrŭ. Tơdrong pŭn hiôk đơ̆ng toh păng đơ̆ng lăm klak mĕ.

II Sam 1:21

Ơ kông groi Gilbôa Rŏ kơ tŭk gom păng 'mi 'nĕ pă jruh tơ ih, rŏ kơ ưh pă đei chŭn mir, teh mơ̆r 'lơ̆ng tơ anih 'nâu dơ̆ng. Yua kơ tơ anih noh khêl đao tơblah lu bơngai nuih kơtang jing đĭ 'mê̆-'mach, Khêl đao Sôl ưh pă layơ wă sŭt pơiel hăm đak rơmă dơ̆ng.

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 5:11

Gah Sôlômôn sư ăn kơ hnam Hiram 'bar-jĭt kơthŭng 'ba mi (kôr) wă pơm tơmam sŏng sa kơ đĭ ŭnh hnam pơtao Hiram păng kư̆m ăn 'bar-jĭt kơthŭng đak rơmă ôliwơ, rim sơnăm Sôlômôn ăn kơ pơtao Hiram thoi noh.

II Ho 2:10

Inh gô ăn lu bơngai jang, kăl 'long đơ̆ng ih, 'bar-jĭt rơbâu kôr (dang 'bar-hrĕng puăn-jĭt kĭ) 'ba tơ'bâu, 'bar-jĭt rơbâu kôr 'ba mi, 'bar-jĭt rơbâu lit sik hơmu păng 'bar-jĭt rơbâu lit đak rơmă ôliwơ.”

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Horiso 133:3

Kŭm thoi đak ngom tơ kông Hermôn. Ro jur tơ kông Siôn, Yua kơ tơ noh Kră Yang đei ăn boih tơdrong pŭn hiôk, Wă khan tơdrong arih ling-lang hlŏng hloi.

Horiso 36:8

Lu sư gô et sa hiôk hrăp rơkah rơkai lăm hnam Ih Ih gô ăn kơ lu sư nhă đak krong hiôk-hian Ih.

Tơdrông Pơđơk 19:12

Pơtao hil nhen thoi dăm-brang grĕnh Mă-lei đei tơdrong sư mơnat thoi ngom kơpal 'nhĕt.

Tơdrông Pơđơk 3:20

Hăm tơdrong hlôh wao Sư lu sơlŭng jrŭ bluh đak, Păng hơmơ̆l đei đak ngom.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Jôel 2:19

Kră Yang đei tơl tơwih kơ kon pơlei Sư: 'Nâu Inh gô ăn kơ iĕm 'ba, sik 'nao, đak rơmă, iĕm gô phĭ jơnap. Inh pă ăn kơ lu iĕm mơlâu kơ đe dơ̆ng tơ lăm lu kon pơlei đe.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Sa 8:12

“Yua kơ tơ noh gô đei găr adrĕch hiôk-hian; tơm hơmu gô đei plei păng teh gô jing mơ̆r chăt lu tơmam sa, đơ̆ng plĕnh gô đei tŭk jur, Inh gô pơm kơ lu kon pơlei mă oei oei âu gơh yua dôm tơdrong noh.

Sa 9:17

Tơdrong sư pơm 'lơ̆ng rai 'lơ̆ng dêh tơpă! Sik 'ba mi gô pơm ăn kơ lu bơngai tơdăm rai pran păng sik 'nao gô pơm ăn kơ lu adruh hơlai đei pŭn hiôk.

Jo 13:20

teh lu sư jang sa, 'lơ̆ng dah kơnê̆, hăm đei 'long dah ưh. Athei mă nuih păng phĕ ba plei hơmu đum.

Jo 18:12

Inh kư̆m đei ăn kơ ih dôm tơmam bơngai Isơrael pơyơ̆r plei blŭng-a kơ Kră Yang, đĭ-đăng pơyơ̆r tơmam blŭng-a, sik hơmu păng 'ba tơ'bâu iŏk lu 'lơ̆ng hloh.

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Both 32:2

Rŏ kơ nơ̆r inh bơtho huŏng jruh thoi đak 'mi; nơ̆r inh pơma lĕch thoi đak ngom jur, thoi 'mi pruh tơ kơpal 'nhĕt 'lơ̆p thoi 'mi hngach ruh tơ kơpal hla 'nhĕt adrih.

Both 33:13

Môis sơkat kơ Jôsep thoi âu: Apinh Kră Yang ăn pŭn hiôk kơ dêh char ih. Đơ̆ng plĕnh Kră Yang tơjruh ăn kơ ih đak ngom. Păng ăn đak lĕch đơ̆ng lăm teh,

Both 33:28

Thoi noh bơngai Isơrael gô arih hiôk hơđơ̆ng: Kon sâu Jakôp oei tơ noh lăm dêh teh phe 'ba, hơ'bo păng tơm hơmu lơ. Đak ngom đơ̆ng plĕnh ruh hngôm.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.

Hêbrơ 11:20

Isăk kư̆m lui kơjăp, na sư pơkă kơ bre kon sư Jakôp hăm Êsâu ning-mônh 'Bok Kei-Dei gô tơgŭm bre kon sư.

Jôsuê 5:6

Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.