Bl 26:7 - Sơ̆p Hlabơar Nơ̆r 'Bok Kei-Dei

⁷ Yua kơ Rê'bêka bơngai 'lơ̆ng hơbŏ rơhau, na mưh kon pơlei apinh gah akăn sư, na sư khan, “Noh oh drŏ-kăn inh;” Hli kơ mưh khan, “Noh akăn inh,” sư tơchĕng kơnh hơmơt kơ lu sư pơlôch inh.

Bl 26:7 Iomraidhean Croise

Bl 12:11

Kơplah sư wă oei lăm dêh Êyiptơ, Abram đei khan hăm Sarai, akăn sư thoi âu: “Âu, inh băt kơ ih jing minh 'nu bơngai drŏ-kăn 'lơ̆ng hơbŏ.

Bl 12:13

Na inh apinh khan ih jơ̆ oh drŏ-kăn inh, wă kơ đơ̆ng ih na đe gô sơng iŏk inh hiôk-hian păng huay kơ pơlôch.”

Bl 12:15

Lu bơngai jang kơ pơtao Pharaôn kư̆m năm tơkan roi 'bơ̆t anăp pơtao lu sư 'bôh bơngai drŏ-kăn 'lơ̆ng noh, na chông ba bơngai drŏ-kăn 'lơ̆ng noh mơ̆t tơ hnam Pharaôn.

Bl 20:11

Abraham tơl: “Inh tơchĕng lăm dêh char âu ưh kơ đei bu băt hli yom kơ Kră Yang 'Bok Kei-Dei; na lu sư gô pơlôch inh, yua kơ 'ngeng kơ akăn inh.

Bl 20:2

Abraham roi kơ đe gah akăn sư: “Sư âu oh drŏ-kăn inh.” Abimêlek, pơtao Gêrar, wơh bơngai năm krao iŏk Sara.

Bl 20:5

Hăm trŏ sư đei khan kơ inh thoi âu: ‘Noh oh drŏ-kăn inh.’ Păng akăn sư khan: ‘Noh 'nhŏng inh?’ Inh pơm tơdrong âu hăm jơhngơ̆m tơpăt păng ti rơgoh.”

Bl 24:16

Bơngai adruh âu 'lơ̆ng hơbŏ tơpă, oei adruh hơlai, tam đei pơma hăm bu. Sư jur sŏ đak 'bĕnh kơ ge, sư tŏk tơ kông.

Bl 26:6

Thoi noh Isăk oei tơ Gêrar.

Bl 26:8

Đang kơ Isăk oei tơ tơring noh kư̆m đunh, minh năr noh Abimêlek pơtao đe Philistin, tơmang đơ̆ng 'măng-'mŏk 'bôh Isăk oei hơnul păng Rê'bêka akăn sư.

Bl 29:17

Lêa măt sư ưh kơ gan hơdah, gah Rachel 'lơ̆ng hơbŏ muh măt hơdah hơdong.

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

Kôlôsê 3:9

'Nĕ pă hơlĕnh băl, yua kơ iĕm tŭk đĭ boih dôm tơdrong so, tơdrong mă iĕm juăt kơ pơm sơ̆, athei pơm mă tơpăt dang ei.