Bl 26:3 - Sơ̆p Hlabơar Nơ̆r 'Bok Kei-Dei

³ Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 26:3 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 13:17

Iung bĕ, chă nơnăm jơ̆p kơ lăm dêh char, wơ̆l, tor; yua kơ Inh wă ăn kơ ih dêh char âu.”

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 20:1

Abraham yak đơ̆ng noh truh tơ gah gơal, oei tơ tơring Nêgeo oei sơlam char Kêdê păng Sur. Đơ̆ng noh sư oei tơ tơring Gêrar.

Bl 25:11

Đơ̆ng rŏng kơ Abraham lôch, Kră Yang 'Bok Kei-Dei tuh ăn tơdrong pŭn hiôk kơ Isăk mă kon drŏ-nglo sư mă oei jê̆ sơlŭng đak Lahairoi.

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Bl 26:14

Sư đei triu, rơmo lơ păng đĭch drŏ-nglo đam drŏ-kăn: Yua kơ thoi noh kon pơlei Philistin đei 'ngeng klai.

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 28:15

'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.

Bl 31:3

Kră Yang khan kơ Jakôp thoi âu: Brŏk bĕ tơ dêh char 'bok yă 'bă ih, tơ 'nhŏng oh ih, inh gô tơgŭm ih.

Bl 35:12

Char inh mă đei ăn boih kơ Abraham păng Isăk na Inh gô ăn kơ ih păng lu adrĕch adrung ih.

Bl 39:2

Jôsep oei tơ lăm hnam dơnŏ tơ'ngla sư bơngai Êyiptơ đei Kră Yang tơgŭm, na jing tơdrong jang sư 'lơ̆ng đei yua.

Bl 39:21

Kră Yang tơgŭm Jôsep păng 'mêm kơ sư ưh kơ tơplih, ăn yŏng wei-lăng hnam bơnă oei 'mêm kơ sư.

Bl 48:21

Jakôp khan kơ Jôsep thoi âu: 'Nâu, 'bă wă jê̆ lôch, mă-lei Kră Yang 'Bok Kei-Dei gô tơgŭm dŏng lu đe kon wih brŏk tơ dêh char 'bok yă.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

Horiso 105:8

Sư 'blŏk tơdrong pơgơ̆p Sư ling-lang. Sư ưh kơ hiơt tơdrong pơkă pơkăm mă truh rơbâu chăl.

Horiso 105:9

Tơdrong Sư pơgơ̆p hăm Abraham. Nơ̆r Sư pơkăm hăm Isăk,

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Horiso 39:12

Ơ Kră Yang 'Bok Kei-Dei! Mơ̆ng bĕ nơ̆r inh krao apinh, mơ̆ng bĕ nơ̆r inh krao ôr. Apinh Inh 'nĕ kơ chĭt đon kơ đak măt inh nhơ̆m. Yua kơ inh thoi bơngai tơmoi. Bơngai tơmoi mă oei thoi yă 'bok inh.

Le 2:24

Kră Yang 'Bok Kei-Dei kơtơ̆ng tơdrong ơh sơ'ngon pơmat-tat lu sư, 'blŏk hơdơ̆r tơdrong pơgơ̆p hăm Abraham, Isăk păng Jakôp.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 6:4

Inh kư̆m pơsĭt tơdrong pơgơ̆p hăm lu sư, wă ăn kơ lu sư dêh Kanaan, mă dêh lu sư wă oei tơ noh thoi lĕ lu bơngai tơmoi.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Philip 4:9

Iĕm athei pơhrăm iŏk dôm tơdrong inh bơtho iĕm mă iĕm kơtơ̆ng boih noh păng iĕm 'bôh boih tơdrong inh pơm, thoi noh na 'Bok Kei-Dei oei hơdai iĕm, ăn kơ iĕm oei hiôk ling-lang.

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.

Hêbrơ 6:17

Tơdrong noh 'Bok Kei-Dei wă tơbăt kơ lu bơngai mă Sư pơkă, wă kơ lu bơngai noh băt kơ tơdrong Sư pơkă gô đei tơpă, na Sư pao anăn Sư kơdih.