Bl 26:22 - Sơ̆p Hlabơar Nơ̆r 'Bok Kei-Dei

²² Đơ̆ng noh lu sư lê̆ sơlŭng noh na sir sơlŭng plơ̆ng, gah sơlŭng âu, lu sư ưh pă pơjah băl boih, na sư krao anăn Rêhôbôtc păng khan thoi âu: Dang ei Kră Yang lê̆ ăn kơ lu nhôn să rơhơi păng lu bơ̆n gô đei 'bôh păng mơdrŏng lăm char 'nâu.

Bl 26:22 Iomraidhean Croise

Bl 17:6

Inh gô pơm ăn kơ ih pơjing hơ'lơ̆p rai lơ; wă kơ đơ̆ng ih jing đei lơ dêh char păng lu pơtao gô lĕch đơ̆ng ih mơ̆n.

Bl 26:21

Đang kơ noh, lu đĭch đam Isăk sir minh pôm sơlŭng nai, na kư̆m tơgar băl dơ̆ng; sư anăn sơlŭng noh Sêtna.b

Bl 28:3

Apơi apinh Kră Yang 'Bok Kei-Dei mơsêh mơyang ăn tơdrong pŭn hiôk kơ e, ăn kơ e pơjing hơ'lơ̆p rai lơ, wă kơ jing minh adrĕch adrung tih kơdrâ̆m.

Bl 41:52

Sư anăn kon mă 'bar noh Êphraime yua kơ khan: Kră Yang 'Bok Kei-Dei ăn kơ inh pŭn hiôk tih lăm dêh char mă inh pơmat-tat.

Horiso 118:5

Lăm năr pơmat-tat inh krao apinh Kră Yang; Kră Yang tơl tơwih nơ̆r inh Ăn kơ inh rơngei.a

Horiso 119:32

Inh gô kơdâu kiơ̆ trong Ih tơtă. Dah Ih pơih jơhngơ̆m inh să,

Horiso 18:19

Sư chông tơlĕch inh tơ anih să rơhơi. Dŏng inh, yua kơ Sư hiôk kơ inh.

Horiso 4:1

Ơ Kră Yang 'Bok Kei-Dei inh, mă 'lơ̆ng tơpăt, Tơl tơwih nơ̆r inh, dah inh krao khan. Ih pơklaih inh boih, lăm năr inh oei pơmat, Apinh Ih mơnat kơ inh, păng tơl nơ̆r inh krao khan.

Le 1:7

Mă-lei kon sâu Isơrael pơjing rai lơ, rai kơdrâ̆m hlĭch chrơp tơpă, rai đunh jing mơdrŏng pran kơtang, oei 'bĕnh-'bang jơ̆p-jang kơ dêh 'noh.

Êsai 54:2

Pơih mă să bĕ hnam khăn ih. Pơih lang mă să bĕ anih ih oei; 'nĕ kơ rôp pơjăng; dăng tơlei mă kơjung rơdăng, pơ̆ng 'long hơdrơ̆ng mă kơjăp!

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.