Bl 26:12 - Sơ̆p Hlabơar Nơ̆r 'Bok Kei-Dei

¹² Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Bl 26:12 Iomraidhean Croise

Bl 24:1

Abraham kră boih, sơnăm đĭ lơ, lăm tôm tơdrong Kră Yang đei ăn pŭn hiôk kơ sư.

Bl 24:35

Kră Yang đei ăn kơ yŏng tơ'ngla inh pŭn hiôk dêh, jing keh 'lơ̆ng; Kră Yang ăn kơ sư đei triu, Rơmo, hu hăm jên maih, đĭch đam drŏ-nglo drŏ-kăn, aseh lăk-đa hăm aseh iĕ.

Bl 25:11

Đơ̆ng rŏng kơ Abraham lôch, Kră Yang 'Bok Kei-Dei tuh ăn tơdrong pŭn hiôk kơ Isăk mă kon drŏ-nglo sư mă oei jê̆ sơlŭng đak Lahairoi.

Bl 26:29

Athei pơkăm thoi âu: Ih kư̆m pă đei pơrăm lu nhôn, kư̆m thoi lu nhôn kư̆m ưh kơ pơrăm hơtŭt 'bơm ih, kư̆m thoi lu nhôn hơpơi apinh ih yak mă 'lơ̆ng sơ̆. Dang ei ih đei Kră Yang ăn pŭn hiôk.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 30:30

Adrol kơ inh truh, kon sem dơrong ih tŏ sĕt đĕch, mă-lei na đơ̆ng năr inh jang na đei rai lơ tơpă. Kră Yang đei tuh ăn pŭn hiôk kơ inh iŏk đơ̆ng năr inh juă jơ̆ng mơ̆t oei tơ lăm hnam âu; băt dang yơ inh gô pơjing sa hnam kơdih.

Jop 42:12

Thoi noh, Kră Yang tuh tơdrong pŭn hiôk ăn kơ Jop lăm sơnăm rai kră lơ hloh kơplah 'nao iung sơ̆: Sư đei mơjĭt-puăn rơbâu tŏ triu, tơdrâu-rơbâu tŏ aseh lăk-đa, minh-rơbâu hơgrop rơmo păng minh-rơbâu aseh iĕ akăn.

Horiso 67:6

Teh pơjing boih kơ lu 'nhot sa hla pơkao. Kră Yang 'Bok Kei-Dei jơ̆ Kră Yang 'Bok Kei-Dei lu nhôn, gô ăn pŭn hiôk kơ lu nhôn.

Horiso 72:16

Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Tơdrông Pơđơk 10:22

Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Sa 8:12

“Yua kơ tơ noh gô đei găr adrĕch hiôk-hian; tơm hơmu gô đei plei păng teh gô jing mơ̆r chăt lu tơmam sa, đơ̆ng plĕnh gô đei tŭk jur, Inh gô pơm kơ lu kon pơlei mă oei oei âu gơh yua dôm tơdrong noh.

Mathiơ 13:23

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai noh boih kơtơ̆ng tơdrong 'Bok Kei-Dei păng hlôh wao, kiơ̆ hloi kơjăp, na đei plei tơpă, mơ'nah minh-hrĕng, mơ'nah tơdrâu-jĭt, mơ'nah pêng-jĭt.”

Mathiơ 13:8

Kư̆m đei mơ'nah huŏng tơ teh 'lơ̆ng, na đei hloi plei trem mơ'nah minh-hrĕng, mơ'nah tơdrâu-jĭt, mơ'nah pêng-jĭt.

Markôs 4:8

Kư̆m đei mơ'nah huŏng tơ teh 'lơ̆ng, na đei plei. Sư chăt kơjung 'lơ̆ng, klaih kơ noh đei plei trem, mơ'nah pêng-jĭt, mơ'nah tơdrâu-jĭt, mơ'nah minh-hrĕng.”

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.