Bl 25:23 - Sơ̆p Hlabơar Nơ̆r 'Bok Kei-Dei

²³ Kră Yang khan thoi âu: “'Bar tŏ dêh char oei lăm klak ih, păng đei 'bar adrĕch kon pơlei gô đei đơ̆ng lăm klak; kon pơlei âu gô pran hloh kơ kon pơlei noh, păng bơngai 'lŏ gô yom kơ bơngai 'lơ̆p.”

Bl 25:23 Iomraidhean Croise

Bl 17:16

Inh gô ăn pŭn hiôk kơ sư, đơ̆ng sư Inh gô ăn kơ ih minh 'nu kon drŏ-nglo. Inh ăn kơ sư đei pŭn hiôk, sư gô pơm mĕ kơ lơ adrĕch adrung; wă kơ đơ̆ng sư jing đei lơ dêh char păng dôm lu pơtao gô lĕch đơ̆ng sư.”

Bl 17:4

“'Nâu, gah Inh âu, Inh đei pơkă boih hăm ih, thoi noh ih gô jing 'bok kơ ơ adrĕch adrung bơngai,

Bl 24:60

Lu sư sơkat pŭn hiôk kơ Rê'bêkad thoi âu: “Oh drŏ-kăn inh, hơpơi kơ oh jing Mĕ kơ rơbâu hơngan 'nu bơngai păng ăn kơ lu adrĕch adrung oh gô jing pran blah iŏk lu pơlei tih đơ̆ng lu ayăt.”

Bl 25:24

Truh năr sư tơpŭ, đei kơmar đơ̆ng lăm klak sư.

Bl 25:27

Kơplah bre kon drŏ-nglo âu rai wơ̆ 'lŏ na Êsâu jing minh 'nu bơngai chă lua mơgap, ngăl chă ngôi tơ bri mir, chŭn; gah Jakôp bơngai iơ̆m dim oei kơtă lăm hnam.

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Bl 27:33

Isăk kơtơ̆ng thoi noh sư 'brơ̆k lăm jơhngơ̆m dêh na khan: Thoi ei, bĭ bu mă chă lua 'nhĕm bri hei đei hơmet pôk ăn kơ 'bă sa boih? 'Nao adrol 'biơ̆ kơ e brŏk. 'Bă sa đĭ boih păng sơkat ăn boih kơ sư đei tơdrong pŭn hiôk, lei pŭn hiôk noh đei kơ sư boih.

Bl 27:37

Isăk tơl thoi âu: 'Bă sơkat ăn kơ sư jing yŏng e, hăm đĭ lu 'nhŏng oh jing đĭch đam sư; păng 'bă sơkat apinh Kră Yang 'Bok Kei-Dei hơmet 'măn phe 'ba păng đei sik plei hơmu kơ sư. Thoi ei 'bă wă pơm liơ kơ e dơ̆ng dang ei?

Bl 27:40

E gô arih đơ̆ng đao, Păng gô jing đĭch kơ lu oh e. Đơ̆ng rŏng kơnh e gô arih thông mang, năr 'nâu tơ âu, dơning tơ nai, E gô hrĕch lê̆ 'long ăt sư đơ̆ng hơko e.

Bl 32:6

Lu đam sư brŏk đơ̆ng Êsâu păng roi kơ Jakôp thoi âu: Lu nhôn năm truh tơ Êsâu 'nhŏng ih; na âu; sư oei chông ba puăn-hrĕng 'nu bơngai wă năm sơng ih.

Bl 33:3

Gah sư, năm adrol drap kơkuh tơpơh wơ̆t tơ teh, dĭng truh tơ jê̆ 'nhŏng sư

Bl 36:31

Adrol kơ kon pơlei Isơrael tam mă đei pơtao pơgơ̆r, na 'nâu boih lu pơtao mă pơgơ̆r char Eđôm:

Bl 48:19

Mă-lei 'bă sư ưh kơ chu, pơjah khan: 'Bă băt dăm, 'bă băt. Sư kư̆m jing minh adrĕch adrung sư kư̆m jing tih mơ̆n, kon, mă-lei oh sư jing minh adrĕch tih hloh oei tơ jơ̆p-jang dêh char lăm teh đak.

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.

I Pot 22:47

Na sư pơlôch pơđĭ lu bơngai drŏ-nglo đi pơm kư̆ kă đơ̆ng lăm char sư, mă oei đei đơ̆ng chăl Asa, 'bă sư pơgơ̆r.

I Ho 18:13

Sư pơm kơđông linh lăm char Eđôm; păng đĭ lu bơngai Eđôm chu kiơ̆ Đawit. Kră Yang ăn kơ Đawit tơblah jei sư ngăl tơ rim anih mă sư năm.

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Jo 20:14

Đơ̆ng pơlei Kades, Môis wơh bơngai năm roi tơbăt ăn kơ pơtao Eđôm thoi âu: Isơrael noh oh ih, đei khan thoi âu: Ơ pơtao ih băt boih đei tơdrong pơmat-tat truh kơ lu nhôn,

Both 2:4

Roi bĕ kơ kon pơlei băt: Lu iĕm năm brih wă jê̆ teh đak lu 'nhŏng oh iĕm, kon sâu Êsâu, lu bơngai oei lăm char Seir, lu sư gô hli kơ lu iĕm na lu iĕm athei kơchăng bĕ.

Both 2:8

Thoi noh lu bơ̆n năm hlôi, weh đơ̆ng 'nhŏng oh lu bơ̆n, lu kon drŏ-nglo Êsâu, lu bơngai oei lăm char Seir, Bơ̆n weh đơ̆ng trong Araba, rok wer kơ trong Êlat păng Êsiôn Gêber tŏk đak Dơsĭ 'Brê năm tơpăt rok trong char glă Môap.

I Sam 17:14

Đawit kon hơdruch, pêng 'nu 'nhŏng sư kiơ̆ Sôl.