Bl 24:7 - Sơ̆p Hlabơar Nơ̆r 'Bok Kei-Dei

⁷ Kră Yang, Kră Yang 'Bok Kei-Dei plĕnh teh, jơ̆ Kră Yang mă chông ba inh, lê̆ mĕ 'bă, lê̆ 'nhŏng oh, lê̆ dêh char inh, đei pơma pơkăm pơkă hăm inh thoi âu: Inh gô ăn kơ adrĕch adrung ih dêh char âu. Sư gô wơh linh jang sư năm adrol kơ ih păng tơ anih ih gô chă ăn kơ kon inh akăn.

Bl 24:7 Iomraidhean Croise

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 16:7

Mă-lei linh Jang 'lơ̆ng Kră Yang 'bôh Hagar tơ lăm char glă tu đak 'bơ̆t cheng trong năm tơ char Sur.

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 21:17

Kră Yang 'Bok Kei-Dei kơtơ̆ng kon hơ'lơ̆p noh nhơ̆m, na linh jang 'lơ̆ng đơ̆ng plĕnh krao Hagar thoi âu: “Ơ Hagar! Ih đei tơdrong kiơ? 'Nĕ kơ hli, yua kơ Kră Yang 'Bok Kei-Dei kơtơ̆ng boih nơ̆r hơ'lơ̆p ih nhơ̆m tơ anih sư noh.

Bl 22:11

Linh jang Kră Yang đơ̆ng kơpal plĕnh krao. “Ơ Abraham, Abraham!” Sư tơl, “đei inh âu.”

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

Bl 24:40

Yŏng tơ'ngla inh tơl inh: ‘Kră Yang mă Tơ'ngla inh oei pơm kiơ̆ gô ăn linh jang Sư jur pơm pơkeh tơdrong jang ih; păng ih gô chă ăn kơ kon drŏ-nglo inh akăn đơ̆ng lăm adrĕch adrung inh, tơ hnam 'bă inh.

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Horiso 136:26

Athei bơnê bĕ kơ Kră Yang 'Bok Kei-Dei kơpal plĕnh. Tơdrong 'mêm Sư oei oei ling-lang.

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 73:24

Ih yua tơdrong bơtho tơ'bôh na dui ba inh. Đơ̆ng noh sơng iŏk inh lăm tơdrong ư-ang.

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Le 33:2

Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Jôna 1:9

Sư tơl thoi âu: Inh bơngai Hêbrơ păng inh bơngai hli yom kơ Kră Yang 'Bok Kei-Dei kơpal plĕnh, Sư Tơ'ngla pơjing kơ plĕnh teh păng đak dơsĭ. Inh klĕnh đơ̆ng Sư.

Jo 11:12

Hăm trŏ kơ inh anăp tơpŭ lu sư ưh? Na mă Ih khan kơ inh: Pŭ krôp kon pơlei wei kon pơla âu lăm jơhngơ̆m ih bĕ, thoi bơngai 'bă mă pôk kon hơ'lơ̆p sư oei mŏm, dĭng mă truh tơ dêh char mă Ih đei pơkă wă ăn kơ lu 'bok yă lu sư.

Jo 14:16

Kră Yang ưh kơ gơh ôh chông ba lu adrĕch adrung 'nâu mơ̆t tơ lăm dêh char mă sư pơkă wă ăn kơ lu sư; yua kơ thoi noh, sư pơlôch boih lu đe noh tơ lăm char glă.

Jo 14:30

na gô ưh kơ gơh mơ̆t oei tơ char mă Inh đei pơkă wă ăn kơ lu iĕm oei, lăp Kalep kon drŏ-nglo Jêphunê păng Jôsuê kon drŏ-nglo Nun đĕch.

Jo 32:11

Lu bơngai mă lĕch đơ̆ng dêh char Êyiptơ, iŏk đơ̆ng 'bar-jĭt sơnăm tơ kơpơ̆ng, gô ưh kơ 'bôh ôh dêh char mă Inh đei pơkă pơ'ngam wă ăn kơ Abraham, Isăk, Jakôp, yua kơ lu bơngai noh ưh kơ kiơ̆ Inh tơnăp,

Jang 7:5

'Bok Kei-Dei pơkă wă ăn kơ sư oei dêh char bơ̆n âu păng pơkă wă ăn kơ lu kon sư oei dêh char âu mơ̆n, mă-lei kơplah noh 'Bok Kei-Dei tam mă ăn kơ sư anih oei 'bơ̆t ayơ ôh. Hơtai ei Abraham kư̆m ưh kơ đei kon.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 24:3

Mă-lei inh rơih iŏk Abraham 'bok lu iĕm lĕch đơ̆ng gah to Krong Tih păng chông ba sư năm jơ̆p-jang kơ dêh Kanaan, ăn kơ sư Isăk păng ăn kơ adrĕch adrung sư chek lar lơ.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Lu 2:1

Linh jang 'lơ̆ng Kră Yang năm tŏk đơ̆ng pơlei Gilgal truh tơ Bôkim păng khan thoi âu: Inh chông ba lu iĕm hlôi đơ̆ng dêh Êyiptơ boih, ba iĕm mơ̆t tơ dêh char mă Inh đei pơkă hăm 'bok yă wă ăn kơ adrĕch adrung lu sư. Inh đei khan kơ iĕm. ‘Inh ưh kơ đei layơ hŭt lê̆ dôm tơdrong mă Inh pơkă hăm lu iĕm;