Bl 24:6 - Sơ̆p Hlabơar Nơ̆r 'Bok Kei-Dei

⁶ Abraham tơl: “Kơchăng bĕ. Ih 'nĕ kơ chông ba kon tơdăm inh năm tơ dêh char noh!

Bl 24:6 Iomraidhean Croise

Bl 24:5

Na đam sư tơl: “Băt bơngai drŏ-kăn 'nei ưh kơ chu kiơ̆ inh năm tơ char bơ̆n âu; thoi noh, ăn ưh, lê̆ kơ inh chông ba kon tơdăm ih âu hloi na nhi năm tơ char mă ih lĕch đơ̆ng ei noh?”

Bl 24:8

Tơdah ưh kơ đei adruh ayơ wă chu kiơ̆, ih kư̆m huay kơ tơwŏk kơ nơ̆r mă inh athei ih pơkă âu ôh, mă khan thoi yơ hĭ, kư̆m 'nĕ kơ chông kon tơdăm inh năm tơ noh.”

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.